بدوى الأول عشر

بدوى الأول عشر الجديدة

يا جماعة بعد التفكير و التدبير ثم التخريط و التقشير (ما هى كوسة بقى)

قررنا نحن سيدنا الوالى بدوى الأول عشر نقل مقر القصر الجمهورى الملكى الرئاسى الديمقراطى الاشنراكى الليبرالى الأهلاوى الزملكاوى الى مدونة جديدة على بلوج سبوت

و أول حاجة حعملها بعد القرار ده انى أتوجه بالشكر لأسرة مكتوب اللى كنت ضيف تقيل على قلبهم لمدة سنة بحالها كتبت فيها مواضيع كتيـــــر(111) و رديت على تعليقات كتير(632) أغلبها جميل و شوية منها رذل و عرفت ناس كتير كويسة و ناس قليلين وحشة

الموضوعات الجديدة تحت يا جمــــــــــــــــــــــــــــــــاااااااااااااااااعــــــــــــــةةةةةةةةةةةةةةة

ممكن أطلب من حضرتك طلب ؟؟

ده مش ادراج جديد أنا يس بحاول أتعرف على كل اللى بييجوا هنا

أنا فى يوم واحد - 30 /يناير/2007 - لقيت العداد نط 80 زائر

طبعا دى حاجة تخلينى أشك أنه مش مضبوط

أو البلوج بقى بلوج مشهور ... مع انى أنا نفسى مسمعتش عنه يا اخى!!!

لذلك ياريت حضرتك ( اللى جه هنا وقرا الكلمتين دول)

عن نظرية المؤامرة

دم ددم دم دم

يا أهل مصر الكرام

دم ددم دم دم

اسمعوا و عوا

فرمان سيدنا الوالى بدوى الأول عشر

فى يوم التلات 3 رجب 2007

بيدعوكم جميعا

عامة و أمراء ... مماليك و مشايخ ... صناع و فلاحين

قراء و مدونين

للتجمع فى ساحة المدونة كل يوم فى أى وقت

لإبداء الرأى و المشورة

فى موضوع مهم

يا أهل مصر

القصيدة دى من أجمل الحاجات اللى قراتها

عشان كدة نقلتها هنا و أتمنى أن صاحبها ميرفضش

مانيش خاطى ...

مانيش اسود
و لا خطيه
انا ابيض
عشان انسان
انا محبه
و خير
و جمال
صحيح من طين
صحيح بذنوب
لكني برده برجع اتوب
صحيح بكدب
لكن طيب
بلّون كدبتي الوان
عشان مرجعش اقول بكدب
ساعات بغضب
ساعات بكره
لكن بهدا
و كرهي بزرعه ورده
عشان انسان
محبه
خير
و جمال

و بكره كل كلمه وعظ
تكون بالحبل مربوطه
و يرموها علي رقبتي
مانيش خاطي
مانيش حيوان
انا عقلي و ضميري الخير
ميزان عندي و لا يغلط
و لو حغلط
بكون عارف
انا غلطان
لكني برده مش خاطي
ففكوا حبالكوا و سيبوني
سيبوني اغلط
و اصحح غلطي بايديا
سيبوني ارسم
اشخبط
اكرر
مسيري برده حتعلم
بلاش المعلقه الفضه
خلاصه من تجاربكم
لا انا عايش في ايامكم

بقالي هنا كتير
عاوز أمشي بقى
بس مش عاوز أمشي من نفسي
عاوز الراجل الكبير هو اللي يمشيني
فيه ضيوف كتير بيحبوا المكان ومش عاوزين يمشوا
انا كمان كنت باحبه
بس زهقت منه
الراجل الكبير مش بيديني الحاجات اللي انا عاوزها
وعارف ان انا قاعد مستنيها
وساعات يديها لضيوف مش محتاجينها
بس هو حر
حاجاته يديها على مزاجه
لكن مش ها اقدر استني قد اللي استنيته
انا اخدت برضه حاجات
كانت كويسة
بس فيه حاجات مستنيها بقالي كتير
وما جاتش
مش عاوز استنى تاني
زهقت
وخلاص مش عاوزها
عاوز أمشي
انا يمكن كنت ضيف تقيل شوية
بس الراجل الكبير شاف ضيوف اتقل مني بكتير
ويمكن بهدلوله المكان
حاولت اسيب للراجل الكبير حاجات
علشان ما يزعلش مني
مش حاجات مهمة
بس على قد ما قدرت
بس هو دماغه كبيره وها يفهم ويقدر
ومش ها يزعل مني
بس هو يمشيني بقى

وائل عباس

بناء على طلب صديق قال لى قلل جرعة الكآبة شوية فى المدونة ... الناس مش ناقصة فأنا مش لاقى حاجة أكتبها !!!!

بتاجر بقصة الحب اللى عشتها و خلصت ؟؟ ممكن أكون فعلا كدة من غير ما أحس ولا أقصد ؟؟ يمكن فعلا أنا عاجبنى إن الناس تقول لى أنى عندى حق و يتعاطفوا معايا فبحكى حاجات مفروض محدش يعرفها ؟؟ .... مش عارف احتمال أنا مش شايف نفسى كويس !!

خلاص مش حكتب عن الاكتئاب اللى بعيشه ولا عن الحاجات اللى تجيب اكتئاب للناس - اللى هى كل حاجةة حواليهم - ولا عن قصة الحب التخيلى اللى حاولت انها تنجح لفترة قربت تكمل سنة من غير فايدة

بس برده أنا لسة مقتنع أن القصة مش منجحتش بسبب أنها بدأت عن طريق النت ... يمكن لأنها لو كانت بدأت بوسيلة تواصل تانية غير النت برده فمفيش أى ضمانة أنها كانت حتنجح ... بالعكس ... بس ما علينا

أكتب كلمتين ملهومش أى لازمة ولا معنى ولا تأثير عن السياسة و البلد و الكلام الفاضى ده كله ؟؟؟ طيب و بعدين ؟؟ حد حيسمع ؟؟ حاجة حتتغير ؟؟ هل رأيى له معنى أصلا؟؟ ولا كلام زى كلام القهاوى ؟؟

يمكن هو الفراغ اللى مخلينى مش عاوز

استيقظ الهدف - اللى هو أنا - الساعة 4.00 العصر و خد دش و صلى الظهر بعدين العصر بعدين اتغدى و اتخانق مع اخواته زى كل يوم و اتصل بالمواطن اسلام عادل عشان كان متفق معاه يروح الحفلة بتاعة حرنكش

كالمعتاد المواطن اسلام نسى الميعاد فلبس الهدف هدومه و راح لوحده ... دى أول مرة يخرج من بيتهم من حوالى أسبوع لظروف تكسيلية ضبابية شمالية جنوبية ... قبل ما ينزل على طول كلمه سيادة المقدم هانى الخياط و قال له تعالى بدرى عشان بقالى كتير فى وسط البلد و مش لاقى حد أعذبه

وصل الهدف نقابة الصحفيين الساعة 7.33 و قابل هناك كل من :

حضرة الملازم محمد الطاهر و سعادة المقدم محمد عيد و فضيلة الأخ محمد عادل و دولة الباشا الزعيم السابق لحركة حرنكشيون من أجل التغيير حرنكش الأول

تم رصد معارض صغيرة للصور الجامدة جدا اللى صورها بعض الشباب المتعاون و على رأسهم الملازم محمد الطاهر و النقيب بيتر كرامة

قبل بدء العرض السينمائى وصل المواطن أحمد عيد و اللى مكلف بمراقبته المقدم محمد عيد "أخوه" ووصل مجموعة من العملاء من حزب الجبهة الديمقراطية تحت قيادة نورا الغزالى حرب ووصل كمان الجندى مجند يوسف غد و قائد فصيلة مشاة و طيران - متسألش ازاى مع بعض - بلال دياب و قعدوا فى الكرسى اللى ورايا

أنا مسافر كام يوم كدة يا شباب فطبيعى يعنى مش حرد على أى كومنتات غير بعد ما أرجع ...... سلاموووووز

دى العربية اللى مش حسافر بيها

تقوم من النوم ... تغسل وشك بمية نسبة الكلور فيها أعلى من الطبيعى معرفش بكام ضعف ... تعد تفطر شاى و لبن ... اللبن فيه بودرة سيراميك و هرمونات نشطة - راجع الأهرام معرفش العدد رقم كام و لا يوم ايه بس أغلب اللى بقوله عرفته من أخبار منشورة فى الأهرام مش بألفه يعنى - الشاى معمول من نفس المية المليانة شوائب و بكتريا غير الكلور اللى قلنا عليه من شوية - طبعا لو سيادتك من منطقة قديمة فشبكات المية متوصلة بشبكات الصرف الصحى و أهه كله فوايد ...

الشاى نفسه فيه نسبة نشارة خشب - النسبة حسب السعر طبعا - تاكل لك طبق الفول المستورد من الصين و تغمس بعيش معمول من القمح المسرطن بتاع يوسف والى نائب رئيس الحزب الوطنى و تاكل معاها كام زتونة من اللى اتمنع تصديرهم من مصر عشان المزارعين المصريين بيستعجلوا على الزتون و بيدهنوه بورنيش جزم بدل ما يستنوا لحد ما يستوى

خلصت ؟ بالهنا و الشفا ...

من الآخر مش لاقى حاجة خالص اكتبها من زماااااااان و كل ما تيجى فكرة فى دماغى أنساها فقلت منعا للملل (أو زيادة فيه) أكتب أخبارى الشخصية بصفتى من المهمين فى مصر

بس أولاعاوز أهنئ صديقى المخرج العظيم حننكش على باكورة انتاجه "تنهيدة" و أهنئ د. شريف فكرى صديقى اللدود على الجوازة السعيدة و من دلوقتى حاجز أول عيل يجيبه بأسمى .. آخده أربيه براحتى و أبقى أرجعهوله بعدين

ثانيا انا بشاور نفسى على الدخول فى حزب الجبهة ولا لا .. و لحد دلوقتى مش قادر اندمج هناك و مش حاسس بالجو اللى كان فى الغد زمان ... و برغم أن الناس هناك ولاد ناس قوى .. بس جو المؤامرات بدأ عندهم بدرى بدرى و الله أعلم حيخلص على ايه

ثالثا - من غير ترتيب - أخدت الأجازة يوم الخميس - الأمتحانات كالعادة طعمها مر - و رجعت أفتح الماسنجر تانى بعد ما كنت بطلت أفتحه من ييجى شهر ... اللى عاوز يكلمنى :

فعلا مش عارف ايه ممكن يتقال !!!!!

و لا تعليق عندى سوى حسبى الله و نعم الوكيل

عايزة اوريكوا حاجه كتبها الجميل بهاء جاهين اتنشرت فى الأهرام لما كان بينزل ملحق اسمه "أيامنا الحلوة":

السيد المستشار/ النائب العام
تحية طيبة وبعد،،،،،،،،

مقدمة لسيادتكم د.أيمن عبد العزيز نـور – المحبوس حالياً بسجن مزرعة طره.
ضـــــد:

1-اللواء عماد شحاتة ترحيلات الجيزة
2-المقدم أحمد وحيد ترحيلات الجيزة
3-المقدم همام نصر ترحيلات الجيزة
4-الرائد هاني الفقي ترحيلات الجيزة
5-الرائد أحمد خلف ترحيلات الجيزة

الموضـــــــوع

بتاريخ 12/5/2007 قـام المعروض ضـدهم وآخـرين بالحضـور إلى سجن مزرعة طره في تمام الساعة الثامنة وخمسة وثلاثون دقيقة لمصاحبتي لحضور جلسة أمام محكمة الجيزة الكلية الدائرة 3 عمال

واعتبارا من داخل سجن المزرعة تم تقيدي بالقيد الحديدي وبعد خروجي من السجن فوجئت أن السيارة المرحل بها عبارة عن سيارة ترحيلات لا يوجد بها أي تجهيزات حتى دكه خشبية وتم إجباري على

دى قصة من تأليف ياسمين بدوى - أختى الصغيرة 11 سنة كتبتها و طلبت منى أوريها لصحابى و أشوف رأيهم يا ريت تقروها و تقولو لى رأيكم

عنوان القصة: العروسين الملعونين

كان هناك فرح و العريس والعروسة اعدين فى الفرح و المعازيم و كان الجو هادء و كان الفرح رائع و فجئة ان قطعط الكهرباء و الناس صوطو و العريس و العروسة لسة مدخلوش دنيا يا عينى

و عدت أيام و الفرح اتعمل تانى و عملوه فى النهار و فجئة الأهلين اتخنئو مع بعضهم البعض و بعد أيام تفاهمت النفوس

و بعد يومين عملو الفرح و عملوه فى الصباح و على مزاج الأهلين و حصل

ده موضوع مش حكتبه كله دلوقتى وفى دماغى من قبل ما أبدأ فى البلوج ... كل ما أبدأ أفكر فيه أوصل لنفس النتيجة و مرضاش عنها و أحاول أعيد تفكير و أكذّب عقلى

بس كل حاجة بتوصل لنفس النتيجة ... أحنا كمصريين منستحقش الحرية

ازعل منى أو أكتب أى كلام براحتك ... بس برده مفيش فرق ... بنحب نبقى عبيد و نتذلل لأى كلب حتى لو من غير سبب

طبعا مش الكل لأن أصلا مفيش حاجة بيشترك فيها الكل فى أى زمان أو مكان ... بس الأغلبية المطلقة الكاسحة منا جبنا و خوافين و بيعشقوا الذل و النفاق و لحس رجلين اللى فوقيهم مهما كانت ريحتها معفنة

مينفعش تلوم الحرامى أنه سرق البيت و صحاب البيت شايفينه بيسرقه