أنا مش مجهول أنا ahmous-1986

انا سامح اللي فوق

حبيبي بدوي انا كان قصدي ، مش متاجره بالمعني و لكن انت مش اول اللي يحبيوا علي الانترنت (( أون لاين )) يعني او لاسلكي في غيرك و انت فاهم ، بس الموضوع لازم يكون في علاقه (( لايف )) و ممكن بعدها تبني العلاقه الـ (( أون لاين )) دي …. و يا سيدي الجيات اكتر من الرحات ((( و الله يسامح اللي عرفنا ببعض )))

و أهنئ خالد كساب لرده علي الموضوع ده !!

اما هاني العاطفي خليه يفيدك بقي كويس بإستشاراته العجيبه

و انا رأي من رأي إسلام حقيقي بجد لازم تتجاهل علشان تعرف حب جديد بس يكون ((لايف و بعدها أون لايف )) و يارب ما يكون عملك بلوك او بير اوف لاين !!

ماأنت سامح حقولك ايه يعنى؟ ليس على سامح حرج ….. كل اللى بخده منك تريقة و حرق دم ع الفاضى , بس برضه … أنا الصغير و لازم آخدك على قد عقلك … بكرة تسافر لبنان و تريحنا أو لو مسافرتش شكلى كدة أنا اللى حعملك بلوك و أستريح منك

احمد بيه اخبارك وحشنى جدا جدا جدا

طبعا مش فاكرنى

انا حسام بتاع اسكندرية الغد حسام بتاع زمان ايمن نور و ايام النضال و المحاكم

افتكرت يا ريت تفتكر

المهم المهم وحشانى جدا

و فرحان ايه الجمال دة ايوة كدة هى دة المدونات و لا بلاش دة المدونة الحقيقية الفضفضة

و بالنسبة للموضوع ال وصلت ليه بالصدفة

شوف حب النت عمروا ما يكمل و الحب عموما اوهام صدقنى و احلى حاجة فى الدنيا الحب ال بعد الجواز ايوة جواز الصالونات جميل جدا و اهم حاجة الصدق و الاخلاق و الامانة و طنش اى حاجة تانية

برضوا المهم و رغم انى مش شايفة مهم خالد كساب او خالد كتاب ال بينقل من اى كتاب و اى كلمة عجبتى فى كتاب يكتبها و الدستور ال للاسف نازل ف المستوى خلينا بس فى عم كتاب قصدى كساب او البكيسف فى الكلام و بجد هيجى اليكسفه دة واد بتاع نسوان و اسف على الكلمة بس اعمل ايه البيقول بسو و كدة يبقى عمروا ما حب و محتاج علاج و بجد للاسف لسه بكسف قصدى بيكتب و يكتب عامل ذى شعبولا فاكر شعبان عبد الرحيم كان زمان مشهور دلوقتى راحت عليه و طلع سعد الصغير ال كان بيجرى و را الدبانة دلوقتى بقى النجم و طلع بعده الراجل بتاع العنب و الحمة و الحجات الخايبة كلها بتاخد يومين و بتمشى و برضوا كساف او كساب اوة كتاب ايامه قربت ذى حسنى اخده الله

يموين و هيجى غيرة و خلينا بلف فى دواير و الدنيا تلف بينا

حب اية الى بعد الجواز؟ دة ما اسموش حب من الاساس

تقدر تقول علية تعود , عشرة , رضى بالمكتوب وتتقبل البنت الى عايش معاها وخلاص اهى بتخدمك وخلفلتك عيل وخلاص وشايفة طلباتك وما عندهاش غير حاضر يا سي السيد

لكن الحب حاجة تانية خالص

i got married with a girl i knew here from the match maker of course u know me ya ahmed ana ahmed abdel monem

معلش أنا مش هدخل كتير في تفاصيل لأنك أصلا متعرفنيش, بس إستحملني, هتكلم كتير

بس أنا مش فاهم, إنت بتقول مش بتحب, أمال ليه بنفسك على الحب, ده حتى ربنا قال لا تلقوا بأيديكم إلى التهلكة, يعني خليك عايش كويس, و بعدين إنت بتقول إنك هندزة, (متقولش كمبيوتر) يعني لو حبيت شغلك و قررت تبني دماغ في مجالك, دماغ بجد(طبعاً بعيد عن الكلية), هيبقى دماغك فاضي لأبحاثك و شغلك, كذلك لو لك رأي سياسي ممكن ياخد منك وقت, يعني هتبقى حر, طب إفرض حبيت و الي حبتها حبتك, قولي تقدر تدافع عن موقف, يعني تدخل سجن أو حرب

بعدين إنت جاي تتكلم في الحب مع خالد كذ.. عفواً كساب, اللي بيعلن على الملأ إن الحب كذا و كذا, طب كلم واحد صاحبك يكون عنده قلب أصلا, حتى لو محبش قبل كده, أنا للأسف مشفتش الفيلم الثقافي اللي بتقول عليه بس أظن كساب أقرب إلى الدور منك, على الأقل واضح من طريقة كلامك إنك عندك قلب إنسان

معلش غيرت رأيي, هدخل في التفاصيل

على فكرة خالد كساب مكانش يقصد إهانة لك أو إحراج للمدعوة م.س., هو بس أغبى من إنه يعرف يتكلم, كفاية عليه يحتل مساحة الميل و آخره عشان يقول فيه أي كلام فارغ بدعوى إنه محرر الصفحة, أو إنها عزبته

لكن صاحبك اللي شمت فيك أنا معرفش قاللك إيه, بس أنا بيتهيألي إنك واخد الموضوع بحساسية, يعني أنا مثلا لما الأهلي ينغلب أتصل بصحابي الأهلاوية أبارك, كده يعني, أنا مش عارف هي دي الشماته ؟

أما اللي كاتبه صاحبك الإسكندراني (مش لوحده هنا إسكندراني) عن جواز الصالونات و أنتريهات و مطابخ فده طبعا كلام فارغ, يعني تتجوز بعدين تعرف إتجوزت مين, الله, ده إيه الهبل ده, و اللتنين المقصودين يتعودوا على بعض و أهى سنة و يجيبولهم عيل و يضطروا يقبلوا بعض لجل الواد إبنهم, ده مش حب, حتى لو عشرة, ده يا إما حب مسبب أو رضا بالمقسوم (إللي كل واحد إختاره بنفسه)

أنا متخيل موقفك كويس -على ما أظن- إنت شكلك يا إما كنت في مدرسة منفصلة (ولاد بس يعني) أو إنت أصلا خجول لأسباب أخرى, أو يمكن اللتنين, بس بقولك إنك لو خريج مدرسة منفصلة, فده كويس جدا إنك مقلبتش للنقيض زي معظم اللي أعرفهم. طبعا هتقوللي إنك كبرت على الكلام عن المدرسة, بس إسمحلي محدش بيكبر على إنه يبقى إنسان, فترة المدرسة لها تأثير كبير في تكوين الإنسان.

زي ما انت قلت المشكلة مش فيك لوحدك, المجتمع كله تقريباً عنده مشكلتك دي, بس الحل مش إنك تدور على بنت تحبها, أعذرني ده غباء, ممكن تفكر في كل بنت تشوفها, أو تحط شروط تقيد كل بنت, في الحالتين انت بتفكر في واحدة تعجبك, بتشغل دماغك. الحب مش محتاج كده أصلاً, معرفش أوصفه, لكن لما يجيلك هتحس بيه, ده أكيد, و هتستغبى تدويرك عن شيء آخر سابق له لأنه حاجة تانية خالص. هتعرف وقتها

المهم دلوقتي طلع الكلام ده من دماغك خالص, و اتعامل مع كل البنات في الشغل أو الكلية أو أيا كان كأنك بتعامل صحابك, ده طبعاً صعب و ممكن ياخد منك سنين, لكن هو ده المفروض, لأنك طول ما بتعامل أي بنت من منطلق إنها تحت الإختبار مش هينفع تتعامل أصلا, يلزمك مجتمع بشري ذكوري, ينفعك السجن, عوداً إالى المدارس المنفصلة اللي هي أصل سبب المشكلة, لو مش عندك فعند المجتمع كله, هدفها تؤهل الإنسان لمجتمع من نفس نوعه

مع السلامة و ربنا معاك

ربنا يهديك لسكة السلامة, بلا حب بلا وجع قلب

واحدة واحدة بقى …. أولا : قوللى انت ايه الهدف انى اعمل دماغ ف الشغل و يبقى ليا رأى و موقف و أنا ف الآخر وحيد ؟؟؟ يعنى بعمل الكلام ده لمين ؟؟؟ لنفسى ؟؟؟ والله ماتستاهل …. للناس ؟؟؟ بقولك أنا مستاهلش يبقوا الناس حيستاهلوا ؟؟؟ و الحرية معناها ايه لما تبقى ف جزيرة لوحدك ؟ صحيح فيه ناس حواليا بس محدش منهم قريب لى بجد غير كام واحد - مش حقول كام عشان محدش يزعل - بس مهما كان صحابى قريبين منى مش حيبقى زى لو انسانة بتحبنى ….. أنا بحاول أختصر على فكرة ……………

ثانيا : أنا مقولتش فيلم ثقافى - حتودينى فى داهية - أنا قلت فيلم عربى اسمه ” فيلم ثقافى ” بتاع أحمد رزق و أحمد عيد و الممثل التالت اللى مش فاكر اسمه دلوقت …. تفرق أوى ………

ثالثا : و النبى متشتمش حد هنا - سواء كساب أو غيره - عشان الشتيمة حترجع ف الآخر على دماغى أنا — (((( أنا ماسح لحد دلوقت ييجى 20 تعليق من المدونة كلهاعشان فيهم شتيمة بس انت راجل كلامك زى العسل و فاهم مينفعش أمسح تعليقاتك أبدا لأنها بتناقش الكلام بجد )))))) …………………

رابعا : لو انت ليك واحد صاحبك بيموت ف حاجة اسمها الأهلى و متعصب ليه جدا - التعصب غلط طبعا بس خدنى على قد عقلى - و لقيت الأهلى خسر فى ماتش مهم قوى قوى و صاحبك كان عمال يكلمك عن الماتش ده ….. هل برضه حتتصل تهنيه ؟؟؟؟؟ و لا حتخاف انه يقفش عليك و ياخد الموضوع بزعل ………. و هل حتتصل بيه و تقوله الكلام اللى انت عارف انه زعله منك قبل كدة ؟؟؟؟؟ ….. طبيعى إن أنا واخد الموضوع بحساسية و ممكن أعدى الكلام لو اللى قاله ميعرفنيش … بس لما يكون اللى قاله عارفنى كويس و عارف اد ايه أهمية الكلام ده بالنسبة لى - حتى لو أنا غلطان - و لما يكون الدافع من التريئة هو اثبات وجهة نظر متخلفة اتكلمنا فيها كتير مع بعض و هو عارف كويس انى مش قابلها و هو راضى بيها و عاش على أساسها و أنا محاولتش أحسسه بمدى سخافتها بس هو اللى حاسس انى محتقر وجهة النظر دى - وجهة النظر دى مش موضوع جواز الصالونات لأ دى حاجة غبية بجد عن دور المرأة فى الحياة و بتاع - ……… يبقى من حقى أعتبر دى شماتة … و ده كله كوم و ان صاحبى ده يروح يورى مامته اللى متعرفنيش أساسا الكلام السخيف اللى مكتوب عشان يثبت لنفسه انه صح و ان أنا غلط ده كوم تانى ………………….. خامسا بقى ولا سادسا مش عارف : موضوع العشرة و الرضا بالمقسوم اتكلمت عليه فى تعليق قبل ده و اللى جاى أهم ………….. سادسا : مستحيل أنا أقول ان المدرسة مالهاش تأثير … بالعكس أنا تقريبا بقيت كل ما تحصلى لعبكة فى حياتى فى أى موضوع أبقى عارف …… ده من تأثير البيت و ده من تأثير المدرسة و ده من تأثير انى برج الحوت و ده بسبب الظروف ……. طبعا مش بنفى مسئوليتى عن أى حاجة متلعبكة بتحصلى بس أنا بموت ف علم النفس و مبلاقيش حد أقعد أحلل فيه غيرى أنا ………………. سابعا : المجتمع كله عنده نفس المشكلة … طب و أنا مالى ؟؟؟؟؟ الناس راضية بس أنا مش راضى … ماهو الناس كلها راضيين بحسنى مبارك أعمل زيهم ؟؟؟ أنا بقى هنا أنانى قوى قوى ميهمنيش مشاكل الناس العاطفية كل واحد يدور على الحل اللى يناسبه واللى يريحه … مش كفاية دماغى حتضرب من تفكيرى ف مشاكل الناس المادية و الحقوقية كمان حزعل نفسى عشان مشاكلهم العاطفية ؟؟؟؟؟؟؟…………………………….

بالنسبة بقى موضوع ان التدوير على الحب غباء منى —– بص اشتمنى انا زى مانتا عاوز أنا موافق بس متشتمش حد تانى عشان خاطرى — فهو مش موضوع ارادى منى … يعنى أنا مش كل بنت بأقابلها أحطها تحت الإختبار ولا حاجة بالعكس البنات اللى بتعامل معاهم بعاملهم عادى جدا … بس لما بلاقى انسانة كويسة و مش مرتبطة و مناسبة ليا و مكونش أنا بحب ساعتها بلاقى موتور مخى سخن و اشتغل وأقعد أفكر فيها ياترى ياهل ترى هى دى اللى تناسبنى و بعد شوية ألاقى قلبى بيدق …. فعلا هى باين عليها عقد من الطفولة تقريبا … المهم إن الموضوع بينتهى كل مرة على ولا حاجة و أقعد مكتئب و حزين و فعلا بستغبى نفسى لما يكون الكلام ده السبب فى انى أخسر صديق كويس و محترم لمجرد انه بنت غبائى خلانى أفكر انى ممكن أنها تحبنى لأنى فاكر نفسى بحبها ………………………. ………………………….

النقطة رقم 123 : بقى بعد كل الكلام ده بتقولى بلا حب بلا كلام فارغ ؟؟؟؟؟؟؟؟؟ طب ياريت أقتنع بالكلام ده كان زمانى مستريح و راضى بحالى أكتر من الراجل اللى كانوا بيضربوه فى قسم الهرم على وشه و بيصوروه و هما فرحانين قوى وهو سااااااااااااكت وراضببببببى ولا كأن حاجة بتحصل لحد ما وقع على الأرض ….. عادى ماحنا كلنا حنقع ف الآخر برضه

لو قلت هنذيع هنزيع و لو قلت لأ مش هنذيع !!

هاااااااااااااى انا م\ محمد يابنى فكك من الحوارات الفكسانة دى ودوس فى كليتك وانتبة لمدونتك والحب يارااااااجل دى النملة الى عايشة فى قلب قلب قلب الجبل بيجيلها العدل سيبك والسنكر فى الكارة سلالم موسيقية