وائل عاوز يمشى
كتبهاأحمد بدوى ، في 7 يوليو 2007 الساعة: 18:24 م
بقالي هنا كتير
عاوز أمشي بقى
بس مش عاوز أمشي من نفسي
عاوز الراجل الكبير هو اللي يمشيني
فيه ضيوف كتير بيحبوا المكان ومش عاوزين يمشوا
انا كمان كنت باحبه
بس زهقت منه
الراجل الكبير مش بيديني الحاجات اللي انا عاوزها
وعارف ان انا قاعد مستنيها
وساعات يديها لضيوف مش محتاجينها
بس هو حر
حاجاته يديها على مزاجه
لكن مش ها اقدر استني قد اللي استنيته
انا اخدت برضه حاجات
كانت كويسة
بس فيه حاجات مستنيها بقالي كتير
وما جاتش
مش عاوز استنى تاني
زهقت
وخلاص مش عاوزها
عاوز أمشي
انا يمكن كنت ضيف تقيل شوية
بس الراجل الكبير شاف ضيوف اتقل مني بكتير
ويمكن بهدلوله المكان
حاولت اسيب للراجل الكبير حاجات
علشان ما يزعلش مني
مش حاجات مهمة
بس على قد ما قدرت
بس هو دماغه كبيره وها يفهم ويقدر
ومش ها يزعل مني
بس هو يمشيني بقى
ـــــــــــــــــــــــــــــــــــــــــــــــــــــــــ
التصنيفات : حرام × حرام what seems agaisnt religion(but it's NOT)i, كلام من برة ... wt i ddnt write, لما أحب أتفلسف Acting Mr. WiSeMaN | السمات:كلام من برة ... wt i ddnt write, لما أحب أتفلسف Acting Mr. WiSeMaN, حرام × حرام what seems agaisnt religion(but it's NOT)i
أرسل الإدراج | دوّن الإدراج
يوليو 8th, 2007 at 8 يوليو 2007 3:48 ص
كل شوية أقرا نفس الكلام … عشان حاسس أنه بيقول اللى جوايا اوى … و بيعبر عنه بسلاسة .. مش الدبش اللى برصه فى المدونة هنا كل شوية
((ياترى أنا كدة برضه بتاجر بكلام وائل عباس ؟ و بتاجر بمشاعرى ؟؟ .. على فكرة أنا مش بلومك أنك قلت كدة … أنا فعلا بسأل نفسى هل أنا بتاجر بمشاعرى لما أكتبها ؟؟؟
متهيألى لأ …….لو كان اللى أنت قلته ده صحيح مكانش حد كتب عن اللى جواه عشان ميبقاش بيتاجر بيه …..))
وائل عزيز عليا جدا برغم أن احنا متقابلناش فى الحقيقة غير مرة واحدة لمدة عشر دقايق ولا حاجة … بس فعلا البنى آدم ده انسان جميل … بختلف مع أراؤه كتير و مع اسلوبه حبة بس برده وائل عباس عمل تغيير … و لو “مشى” زى ما بيقول أتمنى انى أمشى قبله و أستريح
يوليو 8th, 2007 at 8 يوليو 2007 3:52 ص
تصدق بالله ياوائل ؟؟ لو كان كل واحد عاوز يمشى كان يمشى كدة بمزاجه و الله الدنيا كلها كانت بقت براح و فاضياااااااة ….. ياترى كام واحد زهق و نفسه يمشى ؟؟ و ياترى كام واحد ميعرفش أنه حيمشى غصب عنه فى يوم من الأيام ؟؟ و ياترى كام واحد مش فارق معاه يفضل أو يمشى و عارف أن كله محصل بعضه ؟