الاسم: أحمد بدوى 
القصيدة دى من أجمل الحاجات اللى قراتها
عشان كدة نقلتها هنا و أتمنى أن صاحبها ميرفضش
مانيش خاطى ...
مانيش اسود
و لا خطيه
انا ابيض
عشان انسان
انا محبه
و خير
و جمال
صحيح من طين
صحيح بذنوب
لكني برده برجع اتوب
صحيح بكدب
لكن طيب
بلّون كدبتي الوان
عشان مرجعش اقول بكدب
ساعات بغضب
ساعات بكره
لكن بهدا
و كرهي بزرعه ورده
عشان انسان
محبه
خير
و جمال
و بكره كل كلمه وعظ
تكون بالحبل مربوطه
و يرموها علي رقبتي
مانيش خاطي
مانيش حيوان
انا عقلي و ضميري الخير
ميزان عندي و لا يغلط
و لو حغلط
بكون عارف
انا غلطان
لكني برده مش خاطي
ففكوا حبالكوا و سيبوني
سيبوني اغلط
و اصحح غلطي بايديا
سيبوني ارسم
اشخبط
اكرر
مسيري برده حتعلم
بلاش المعلقه الفضه
خلاصه من تجاربكم
لا انا عايش في ايامكم
و لا انتوا شفتوا احلامي
سيبوني اغلط
مانيش اسود
و لا خطيه
ايديا بيضه و عينيا
نقلا عن مدونة دواير
كتبها أحمد بدوى في 10:11 مساءً ::
تعليقان
في17,تموز,2007 - 10:34 مساءً, مجهول كتبها ...
مش بس انت فنان في كتاباتك وخواطرك انت فنان اكبر في اختيار القصايد الجميله وعندك زوء عالي في اختيار الكلمات اللي بتعبر عنك وعن كل حد بيقرا الكلمات دي بس ليه تعليق على الصوره انا شايفه سوري يعني انها سخيفه انا اسفه يعني
في18,حزيران,2008 - 04:15 مساءً, عايزه اتطلق كتبها ... (غير موثّق)
جميل قوى احساسك باحساس غيرك كويس ان لسه حد بيحس فى الزمن ده ...رجاء دخول مدونت الجديده ولو عجبك حاجه ما امانعش تنشرها عندك عارف ليه عشان انتا بتراعى حقوق الغير ربنا يكرمك برافو عليك..http:/ayzaatala.blog.com/ يسعدنى قوى زيارتك