أنا بس نقلت الى عجبنى
المحروسة :
فترة الكلية انت دخلت الكلية في السبعينات
د/علاء الأسواني :
دخلت 77 اتخرجت 80
المحروسة
دي فترة كان فيها ثراء لعمل سياسي داخل الجامعة,, كان التيار الاسلامي كان له دور قوي فا دا طبعا فتحلهم مجال للعمل داخل الجامعة و حصل في الوقت دا الي حد كبير حركة قوية داخل الجامعة المصرية انت كنت فين من الحركة دي؟ كانت توجهاتك الفكرية رايحة فين؟ كانت ايه انتقاداتك كانت ايه صورتك العامة عن الجامعة في الوقت دا؟
د/علاء الأسواني :
أولا أنا للأسف الشديد نتيجه للسن كنت دخلت الجامعة بعد ما الحركة الطلابية العظيمة اللي هي كانت من 72 ل 78 و لكن كان لسة في اثار هذه الحركة كنت أنا مثلا لما دخلت,, كانوا اللي بيتخرجوا لحقوا الحركة الطلابية
ثانيا أنا عاصرت بداية انحسار اليسار و صعود التيار الاسلامى ليس لدي أنا مشكلة مع التيار الاسلامي لأن أنا معنديش المشاكل اللي كانت عند المثقفين بتوع الأربعينات مع التيار الاسلامي انها مشاكل تاريخية الأجيال اللي أكبر مننا عندهم المشاكل دي بين المركسين و الاخوان المسلمين أنا ماعنديش المشاكل دي خالص فبدأت تجربة جديدة أنا شخصيا بصلي متدين بطريقتي أنا و انضممت فعلا في الجماعة الاسلامية في القصر العيني لمدة سنة و للأسف الشديد لقيت انه- طبعا فيهم شخصيات محترمة جدا,,,,
المحروسة
عايز أوضح حاجة الجماعة الاسلامية هي اللي كانت بتمارس أعمالها داخل الجامعة انما مش الجماعه الاسلاميه التى اتهمت باعمال العنف.
د/علاء الأسواني :
لا لا لا كان اسمها الجماعة الاسلامية بدأت بالجماعة الدينية و بعدين بقي اسها الجماعة الدينية و دي كانت بداية السيطرة علي الاتحادات الطلابية و أنا دخلت فيها كنت في كلية طب الأسنان و دخلت لمدة سنة فيها و لم أجد يعني غضاضة كنا بنصلي في الجامع و بنتكلم في الدين حاجة ظريفة يعني بدأت الخلافات في السياسية لأن أنا طبعا متربي سياسيا بطريقة مختلفة الطريقة الليبرالية الطريقة الديموقراطية بتري الأشياء بطريقة غير الاتجاه السائد و طبعا بأكد ان كان هناك شخصيات محترمة جدا يعني مش كلهم كانوا كدة و لكن اتجاه عام يعني اتجاه أول حاجة صدمتني فكرة الأمير فكرة الأمير كنت أنا شايفها فكرة- طبعا كنت أنا متربي سياسيا كويس- فلقيتها فكره فاشية طبعا أنا قعدت أفكر ازاي يعني يكون في واحد لو قال أي حاجة أسمع كلامه و بعدين ثانيا بدأنا بقي في مشاكل يعني مثلا أول حاجة اتصدمت بيهم ان هما جم مرة و قاوا ان الطالبات البنات لازم يقعدوا في حتة و الولاد في حتة و أنا عارضت هذا القرار و عملت مشكلة التانية اللي هي بقي عملت القطيعة انهم حاولوا يمنعوا فيلم و حاولوا – كنا بناخد حاجة في السكاشن اسمها (slides) يعني عينات و الكلام دا كنا في سنة تالتة أو تانية- فقالك لأ ممنوع ان الظلام ان البنات و الولاد ما يقعدوش مع بعض في الظلام فانا كتبت مقالة ( كنت بكتب مقالات علي طول) ان لا يمكن يكون دا اسلامي ان مش معقولة أبدا ان احنا هنبقي أطباء بعد سنتين و هنؤتمن علي الأعراض الرجل يأتي و يترك لك زوجتة و ابنته و أمه و لا نؤتمن علي زميلاتنا يعني مش معقولة زميلتي اللي أنا قاعد معاها بقالي 3 أو 4 سنين و أنا أؤتمن علي المرضي لا أؤتمن عليها أنا بقوللك بالنص المقالة و لا يمكن ان احنا نكون وصلنا لدرجة ان احنا بقينا حيوانات لدرجة أن أنا مستني لما الدنيا تظلم عشان أنقض علي زميلة,,, فا دي كانت النهاية,,,, أنا عندي ميول اشتراكية قرأت فيها طويلا لم أكن ماركسيا في يوم من الأيام و لكن عندي تعاطف مع الماركسية كان لدي تعاطف و لازال لدي تعاطف و لكن أنا اذا قولتلي سياسيا أنا ديموقرطي أولا اشتراكييعني ديموقراطي اشتراكي
المحروسة
نرجع لنقطة اختلافك في رؤيتك فى زميل يقعد جنب زميله هل انت بتشوف ان دا كان عند الجماعة الاسلامية أو عند التيار الاسلامي في فترة الصحوة دي كانت رؤية خاصة و لا كانت رؤية شرعية عامة هما كانوا بيستنبطوا منها النقطة دي؟
د/علاء الأسواني :
لا هو كان تفسير وهابي و كان بتنفق أموال طائلة عشان يحصل انتشار للفكر دا
المحروسة
سنتوقف كثيرا عند نقطه الفكر الوهابي
د/علاء الأسواني :
اه لأن الاسلام له قراءات كثيرة و عمر الاسلام ماكان مشكلة المشكلة كانت في الفترة دي و عمر الحقيقة الدين أصلا ماكان مشكلة المشكلة كانت في قراء الدين أنا أزعم انه خلال التاريخ الاسلامي من قرائاتي انه كانت دايما هناك قراءة للحضر و قراءة للصحراء و دا هتجدة في التاريخ الاسلامي لو جبت أي كتاب او مرجع هات مثلا بغداد العباسية حتي هناك تفرقة في اللغة بين العرب و الأعراب يعني الأعراب اللي هو اعرابي جمعه أعراب جاي من البدو العربي اللي هو زينا فكانت هناك فى مصر دائما الاسلام بدأ في الصحراء و لكنه لم يعطي عطاء حضري هو أعطي عطاء حضاري في الحضر هو بدأ من الصحراء و لكن الدول المتحضرة الامبراطورية الاسلامية المتحضرة نشأت في مصر و العراق وفي ايران و في المغرب وفي الأندلس و كلها أماكن كانت متحضرة أصلا ظل هذا الفرق و ظل علي الجزء الأكثر تحضرا أن يقدم قراءتة للصحراء و كان دا واجبنا حتي لغاية مطلع القرن العشرين ان انت كمصر أو العراق تساعد في تنمية الجزء الضعيف حضاريا اللي هي الصحراء اللي هي السعودية ,, ما حدث- أنا بتكلم في الجامعة سنة 77 – بعد حرب أكتوبر هو ان سعر البترول غلي جدا الحياة ضاقت بناس كتيرة جدا في مصر فذهب الملايين الي السعودية فعادوا بالقراءة الصحراوية للاسلام و أثرت في المجتمع المصري جدا جدا دا الجزء اللي اتعمل تلقائيا في جزء اتعمل عمدا و خصوصا بعد الثورة الايرانية.
المحروسة
د.علاء تسمحلي أستوضح منك مفردات الفكر الوهابي أو التأثير الوهابي للي حضرتك بتتكلم عنه
د/علاء الأسواني :
التأثير الوهابي هو اللي بيجعل من الاسلام قراءة مغلقة متعسفة جدا مافيهاش أي احترام للأخرين و للاختلاف قراءة أميل لنفيك للاختلاف من استيعابك ، مكان المرأة في الفكر الوهابي متخلف جدا لأن المرأة بالنسبة لهذا الفكر- و الحقيقة أنا أحب أستعمل لفظ القراءة الصحراوية أو البدوية للاسلام أكثر من الوهابية لأن هذه القراءة موجودة قبل محمد بن عبد الوهاب
المحروسة
بس محمد بن عبد الوهاب اجتهادات تلزم زمنه فقط يعني اجتهد في وقت معين و في وقت أمور معينة كانت أمور تمس التوحيد و العقيدة و الولاء و البراء
د/علاء الأسواني :
أنا أعلم هذا الكلام و لذلك لا أحب أن استعمل الوهابية او لان ليها استعمال غربي أنا بقوللك القراءة البدوية هذه القراءة تجعل للمرأة مكانة متدنية جدا بمعني ان المرأة هي موضوع جسم أولا و أخيرا ، بتهتم هذه القراءة بتغطية جسم المراة أكتر من اهتمامها بحاجات كثيرة جدا,,,أخطر ما في هذه القراءة واللي خلي النظام المصري يتبناها من أيام السادات انه لا توجد حقوق سياسية في هذه القراءة اطلاقا ,هذه القراءة بتعتمد علي ان الخروج على الحاكم المسلم اذا قال لا اله الا الله حرام ليه – وده باجماع الفقهاء - لأن الفتنة المترتبة على الخروج عليه أكثر من ظلمه ، هذا الكلام لم يأتي به الاسلام لا من قبل و لا من بعد,,, دا رأي الاسلام كان - ده رأيى - ثورة اجتماعية و لكن دا فقه السلطان بمعني- السنة حكموا أكتر من الشيعة في العالم العربي بكتير- و بالتالي نشأ فقه معين لمساندة السلطة السياسية استعمل الفقة الاسلامي من أجل هذا عشان كدة النظام المصري فضل ينصح بهذه القراءة علي مدي 30 عاما لأنها في الاخر بتصب في صالحه,,, اديك نموذج ، المرأة ليس من حقها حتي الان في السعودية أن تقود السيارات…. أنا كنت في حالة بحث روائي عن تاريخ السيارات في مصر فوجئت بالاتي, سنة 1922 اتعملت مسابقة لقيادة السيارات في اسكندرية مسابقة للستات و مسابقة للرجالة وأنا بقرأ قولت الستات هيبقوا يا اما يهود يا أرمن يا ب
المزيد
و يزعل منه و بعدين يصالحه 
؟؟؟ ولا نتيجة ماتشات الجن و الملايكة و دورى وأخبار تدريبات فريق الشياطين الحمر ؟ و لا و هما بيتكلموا عن جمال الجنة وحلاوتها و الفن اللى فيها ؟؟ ولا و هما قاعدين بيلعبوا طاولة فى القصر بتاعهم ؟؟؟ … و طبعا طاولة دهب و ألماظ مش أى حاجة 
كما أحب و كما يجب أن أكون فليس كل الناس مؤهلين لرؤية هذا الجانب من شخصيتى و التعامل معه و أحيانا يجب أن أخفى شخصيتى الحقيقية 
الطفولية لأحميها من الصدمات من التعامل مع من لن يفهمها .
الذى يقول " تجوع الحرة و لا تأكل بثديها 
" يبقى لازم بيصرف فى اليوم ما يكفى لأشباع عشرة على الأقل من الأحرار الجوعى ولن يكون جرب الجوع من قبل و غالبا ما لن يكون مسئولا عن آخرين ليطعمهم و يحميهم .
.