بدوى الأول عشر

القصيدة دى من أجمل الحاجات اللى قراتها

عشان كدة نقلتها هنا و أتمنى أن صاحبها ميرفضش

مانيش خاطى …

مانيش اسود
و لا خطيه
انا ابيض
عشان انسان
انا محبه
و خير
و جمال
صحيح من طين
صحيح بذنوب
لكني برده برجع اتوب
صحيح بكدب
لكن طيب
بلّون كدبتي الوان
عشان مرجعش اقول بكدب
ساعات بغضب
ساعات بكره
لكن بهدا
و كرهي بزرعه ورده
عشان انسان
محبه
خير
و جمال

و بكره كل كلمه وعظ
تكون بالحبل مربوطه
و يرموها علي رقبتي
مانيش خاطي
مانيش حيوان
انا عقلي و ضميري الخير
ميزان عندي و لا يغلط
و لو حغلط
بكون عارف
انا غلطان
لكني برده مش خاطي
ففكوا حبالكوا و سيبوني
سيبوني اغلط
و اصحح غلطي بايديا
سيبوني ارسم
اشخبط
اكرر
مسيري برده حتعلم
بلاش المعلقه الفضه
خلاصه من

المزيد

المزيد

بقالي هنا كتير
عاوز أمشي بقى
بس مش عاوز أمشي من نفسي
عاوز الراجل الكبير هو اللي يمشيني
فيه ضيوف كتير بيحبوا المكان ومش عاوزين يمشوا
انا كمان كنت باحبه
بس زهقت منه
الراجل الكبير مش بيديني الحاجات اللي انا عاوزها
وعارف ان انا قاعد مستنيها
وساعات يديها لضيوف مش محتاجينها
بس هو حر
حاجاته يديها على مزاجه
لكن مش ها اقدر استني قد اللي استنيته
انا اخدت برضه حاجات
كانت كويسة
بس فيه حاجات مستنيها بقالي كتير
وما جاتش
مش عاوز استنى تاني
زهقت
وخلاص مش عاوزها
عاوز أمشي
انا يمكن كنت ضيف تقيل شوية
بس الر

المزيد

المزيد

المزيد

"أفقد إيمانك تكتسب حريتك" ….. و لكن أيهما أهم ؟؟

الحرية أم الإيمان ؟؟؟؟؟؟

رد Rej و هل يوجد تعارض بينهما ؟؟

فلنرى :

تحذير " هذا الكلام ليس نهائى , قابل للمراجعة , وهو محاولة شخصية للفهم … اذا كنت من هواة محاكمة البشر على أفكارهم فأرجوك .. ريح نفسك و متقراش "

لابد أولا من الاتفاق على تعريف للمفردات المستخدمة فى الحديث / الحوار حتى لايكون كل منا يتحدث فى مجال خارج منطق الآخرو أفقه ……. اذا لم نتفق فيكفى أن تعلم المعنى الذى أحاول توصيله من داخل ذهنى لذهنك … بما إنى أنا كاتب الكلام يعنى (زهقت من الناس اللى بتلوى الكلام و تفهمه بالعكس لسوء نيتها )

( 1 ) - الإيمان :

…. التعريف الشامل للإيمان جاء فى كلام النبى ( الإيمان هو ما وقر فى القلب و صدقه العمل ) ………… اذا الإيمان "كما أفهمه" ليس الأعتقاد أو الظن أو الأقتناع العقلى فقط بل لابد من نقل مجال الإيمان من الكلام " الشفهى و القلبى و العقلى " الى مجال الفعل العملى الواقعى و المحسوس.

فمثلا الإيمان بحرية الرأى إن لم يصاحبه عمل واقعى للدفاع عنها فهو مجرد كلام بن عم حديت ….  و الإيمان بالله إن لم يترجم دائما الى عمل صالح فهو يظل ايمانا ناقصا … و هكذا …

نكمل التعريف لدينا ( اللى هما أنا ) فنقول :

أن الإيمان ليس المقصود به فقط الإيمان بالله أو الدين …. بل هو الإيمان عموما … و يشمل الإيمان بالأفكار و النظريات و الأفراد أيضا (مش محتاجة شرح دى )

ده عمنا كمال خليل الأشتراكى الثورى و أظنه مثال للإيمان بالنظريات السياسية

و فى رأيى :

أن الإيمان المطلق بدون تردد و تفكير و مراجعة مستمرة هو نقص فى هذا الإيمان يترجم لخوف من الشك و هروب من إعادة التفكير فى ما نؤمن به و نفور من مناقشة ما يخالفه مما يدل على عدم كمال الإيمان و ليس رسوخه ……………… (حد فاهم حاجة ؟؟؟ )

( 2 ) - الحرية :

لا أستطيع أن أجد تعريف محدد و شامل للحرية و إنما مبادئ عامة و أفكار - من المفروض - أن تكون معلومة للكافة …….

و أظن أن أبسط تعريف للحرية (( أن تفعل ما تحب )) لكن دائما ما أجد أى شخص فى بلدنا قبل أن يتحدث عن الحرية و معناها … يقوم بالكلام عن ضوابطها و موانعها و حدودها و مالا يصح فيها و ما قد تسببه من أضرار لو أطلقت للكافة و و …….

و فى النهاية تجد أنك عندما سألت عن معنى كلمة "حديقة" و أنت صغير فأنك لم تتلق إجابة عن معناها سوى : …… السور الحديدى الشائك الذى يحيط بها و الخوف من أن تغرق فى الفسقية الصغيرة فى وسطها و الجروح التى تسببها زهورها و أزعاج الطيور التى تعيش بها  و ربما أخبروك أيضا أن أشجارها تستهلك المياه ما سيتسبب فى موتنا عطشا فى يموا من الأيام !!!!!!!!

م

المزيد

المزيد

هذا ليس كلامى و أختلف مع بعض ما فيه و لكنى أعلم تماما أن كثيرا مما به صحيح لذلك أترك لكل شخص أي يقراه و يحكم عقله

بسم الله الرحمن الرحيم

وَاتْلُ عَلَيْهِمْ نَبَأَ الَّذِيَ آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ{175} وَلَوْ شِئْنَا لَرَفَعْنَاهُ بِهَا وَلَـكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ذَّلِكَ مَثَلُ الْقَوْمِ الَّذِينَ كَذَّبُواْ بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ{176} سَاء مَثَلاً الْقَوْمُ الَّذِينَ كَذَّبُواْ بِآيَاتِنَا وَأَنفُسَهُمْ كَانُواْ يَظْلِمُونَ{177}

———— ——— ——— ——— ——— –

احمد البغدادي / السياسة

لا يوجد بلد مسلم يستطيع فيه المسيحي أو اليهودي أن يبرز الصليب أو الطاقية ويمر عليه الأمر بسلام,(وحتى ان مر بسلام لا يخلو الأمر من مضايقات و معاملة - على أقل تقدير - مختلفة عن معاملة بقية الناس و الأمر ليس فقط لأصحاب الديانات الأخرى بل لأصحاب المذاهب الأخرى أيضا ) كما لا يحق لأصحاب ذوي الديانات البشرية كالبوذية والهندوسية ممارسة شعائرهم في العلن دون أن ينالهم الأذى من الناس,(زى ما حصل للبهائيين … و الحجة هنا أنهم ليسوا أتباع عبادات سماوية … طيب لو منع الهندوس المسلمين من شعائرهم فى الهند ده حيبقى صح ولا غلط بما أنهم بقى الأغلبية و من حقهم يمشوا الأقلية على مزاجهم زى ما بنعمل هنا )   حتى ولو وافقت الحكومة كما حدث مع المعبد الهندوسي في الكويت.

في مقابل هذا الاضطهاد الديني الذي يفتخر به أتباع التيار الديني, لا يوجد بلد علماني يمنع بناء المساجد, هذا إن لم تقم الحكومة بتمويلها.

كما لا يوجد بلد علماني يمنع المسلم من الصلاة في العلن ( و ان كانت المجتمعات الغربية مسيحية الثقافة تقاوم ذلك الى حد ما " مثلما حدث مع السيناتور المسلم فى الكونجرس الأميركى " لأنه يعتبر بالنسبة لهم غزو ثقافى اسلامى ), ولذلك أرثي كثيرا للمسيحيين الذين يرون في رمضان, وهو شهر خاص بالمسلمين, الرؤية الدينية نفسها من حيث أنه شهر عبادة, مع ملاحظة أن هذا العام الذي يشهد قيام مجتمع كويتي أكثر تشدداً من ذي قبل على المستوى الديني, يشهد بشكل مواز شهادات شخصية مسيحية بحق رمضان, وأتساءل: هل هو الخوف؟ لأنه مثل هذا الأمر لم يحدث من قبل, خصوصا وأن فتاوى المسلمين ( يجب أن أقول هنا أنها ليست فتاوى المسلمين بل هى فتاوى السلفيين و المتطرفين و التى للأسف أصبح لها الصوت الأعلى بسبب الجهل و الفقر و الغباء المنتشر فى الدول الأسلامية )لا تجيز تهنئتهم بأعيادهم ولا مشاركة المسلمين لهم!!( هى أصلا هذه الفتاوى لا تجيز شيئا فكل شئ حرام حرام حرام …)

لا توجد كنيسة في العالم المسيحي العلماني يقف القسيس فيها ليلعن كل من يخالف دينه أو يدعو عليهم بالويل والثبور كما يفعل خطباء الجمعة عندنا. (يحدث هذا فى اسرائيل وبعض الدول وفى أمريكا أيضا ولكن تقوم القيامة عندنا عندما يحدث بينما لا نرى أى مشكلة فيما يقوله الخ

المزيد

فلنحاسب صدام من وجهة نظر الهية

نعم .. فلنتخيل أننا سنقوم بمحاسبة صدام على كل حياته يوم القيامة …..

هل سنرحمه ؟ أم هل سنقتص منه ؟ هل ندخله النار ؟( انشاءالله هو و كل الحكام العرب جماعة فى رمية واحدة )

…. لكن قبل أن تقول أننى خرفت خلاص ( طب مانا بخرف من زمان أساسا) ….

 هل يحق لنا هذا ؟؟

هل يحق لنا أن ندعى أننا آلهة ؟ أو أننا سنحاسب أحدا على أعماله بدلا من الله ؟

هل يحق لنا أن ندعى بأن صدام فى النار لأنه آذانا - كثيرا جدا - بدون أن نعلم هل يستحق الرحمة أم لا ؟ هل شنقه يكفر عن ذنوبه فى حق العراقيين و الإيرانيين و الكويتيين ؟؟

بالطبع لا - لسنا آلهة ولا نملك مفاتيح الغيب أو مفاتيح الجنة والنار

بل أصلا لا نملك أن نعلم مصيرنا نحن … ربما نكون نحن فى مكان أسوأ بكثير مما سيذهب اليه صدام  أو قد يضيع فى لحظة ايماننا و لا تنتهى حياتنا على الخير

هذا موضوع لا يخضع للمنطق البشرى لأنه مهما آمنت بالعقل و الأنسانية فنحن لا نملك علم الله بكل شئ ( الظواهر و البواطن الأعمال و النتائج و النوايا و الوسائل أيضا )

لذلك لا يملك أيا كان - مهما ظن أنه علا فى العلم - بأن يدعى أنه يعلم من فى الجنة و من فى النار بحساباته هو و مشاعره هو و علمه هو ( المحدود كما اتفقنا مهما زاد )

لقد كان أبوبكر ال

المزيد

مقدمة للموضوع - موضوع تعبيرهو ؟ -

 ربما لو تتابع ما أكتب من باب تعذيب النفس أو من باب تضييع الوقت أو حتى من باب زويلة فلعلك لاحظت أننى لا أحب الكتابة المنتظمة المرتبطة بمواضيع الساعة الساخنة مثل الموقعة الحربية للفارس المغوار فاسوخ حسنى الخاصة بالحجاب و حتى الغزوة المباركة للشباب المسلم - اسما - الناصع الغباء و الحقارة على البنات و الستات ف وسط البلد برغم أنه أحزنى وصدمنى و حرق دمى بصورة كبيرة واكتفيت بوضع لينكات للبلوجات اللى كتبت ف الموضوع عشان ملاقيتش كلام ممكن يستوعب الموقف أو حتى لو لاقيت .. مين اللى حيقراه ؟؟؟ اللى عملوا كدة ؟؟؟ أشك ان دول بيعرفوا يقروا أساسا ..

 أحداث أخرى كثيرة لا أهتم بالكتابة عنها لأننى أعتبر الكتابة فيها ليست أكثر من استهلاك للوقت - الفاضى فى الحقيقة - و تشتيت للذهن - الذى نركزه فى لعبة الكلمات المتقاطعة والسودوكو أهم بكثير - لذلك ربما تتسائل - أو غالبا لاتفرق معاك كتير - أنى بكتب عن موضوع لسة حاصل امبارح أو أول امبارح - انت عارف طبعا سرعتى فى الرد و الكتابة  عاملة زى سرعة الأصلاح فى مصر

لكننى أكتب الآن - تقولشى طه حسين حيكتب  - عن ما قرأته و شاهدته ف برنامج العاشرة مساء عن العرض "الرياضى" الذى قام به عدد قليل من طلاب الأخوان المسلمين بالأزهر

أولا أنا برغم من اقتناعى شبه النهائى بعدم جدوى الكتابة لأن محدش بيقرا و أصلا تنظيم فى حجم الأخوان مظنش ممكن كلامى حيفرق معاهم كتير بس أدينى بكتب من باب انى أقول اللى بفكر فيه بنظام ….. أصل كل ما أتكلم مع حد ف أى موضوع زى ده أنفعل و معرفش أرتب كلامى … بالرغم من انى لسة بقول على نفسى انى ليبرالى بس مبقدرش أمسك نفسى لما ألاقى حد بيقول رأى شديد التبسيط لموضوع له جوانب كتيرة

بيبقى ف دماغى كذا حاجة عاوز أقولها بس انفعالى بيخلينى مقولش حاجة و أطلع غلطان ف الآخر

المهم - انت فاضى يابنى ولسة بتقرا ؟؟ ربنا معاك - امبارح معدى على بتاع الجرايد زى كل يوم لقيت صورة ف المصرى اليوم من فلسطين مظاهرة من بتوع حماس اللى - فى رأيى - ملهاش هدف غير استعراض القوة ضد المنافسين ليهم جوة البلد مش ارهاب اسرائيل زى ما بيتقال … عادى يعنى ايه الجديد ؟؟؟؟

لقيت مكتوب ميليشيات اخوانية مش عارف بتعمل ايه كدة ف جامعة الأزهر!!!! قلت كلمة مينفعش تتكتب - اوعى تفتكرنى مبعرفش أشتم بس أنا مبحبش أزعل حد منى - اشتريت الجرنان على طول قريت الخبر السعيد لقيت ان أخيرا والحمد لله قرر الأخوان المسلمين اعلان الجهاد فى بلاد المرفودين جوة جامعة الأزهر اللى فصلت تعسفيا و غباءا و جهلا طلاب من الأتحاد الحر - السنة اللى فاتت كانت أول سنة للأتحاد الحر و رشحت نفسى و نجحت بالرغم من انها مكانتش دفعتى و الصراحة كان عندى شبه يقين من تزوير حصل لصالحى من حد كان يهمه نجاحى بس معلش مقدرتش أطلب اعادة الفرز عشان مبوظش الفرحة بتاعة الناس اللى تعبوا فى تنظيم الموضوع ده - أغلبهم كانوا من الأخوان طبعا -

المهم الصورة كانت تخض لأنها مش فى فلسطين " ماتولع فلسطين بناسها و أنا مالى "  ده اللى بقوله لما أشوف صراع الفصائل على السلطة بدل ما يتعاونوا ضد المحتل اللى قاعد غلى نفسهم بقاله خمسين سنة قضوا هما نصهم بيضربوا ف بعض و يتاجروا بتعب الشعب الفلسطينى

شباب قدى و أصغر منى و أقوى طبعا لابسين أقنعة على وشوشهم - يووووووه حعد أحكيلك ع الصورة ؟؟ ماتلاقيك شفتها ……. كاتبين على القناع صامدون وواقفين وقفة عسكرية و لما فتحت الجرنان لقيتهم بيستعرضوا مهاراتهم ف الكاراتيه و الكونغ فو

طيب حلو قوى ….. هما - و مصر كلها طبعا - اتظلموا لما اتمنعوا و اتشطبوا فى انتخابات اتحاد الطلبة ….. ولما لجئوا لطريقة سلمية محترمة جدا هى الأتحاد البديل ( الاتحاد الحر ) كملت ادارة الأزهر التابعة لأمن الدولة عليهم و رفدتهم

المزيد

المزيد

عارفين ايه هى أحلى قصة حب ؟

مش قصة قيس وليلى ولا روميو و جولييت ولا عنتر و عبلة ولا علاء و منال

عارفين أحلى قصة حب هى قصة مين ؟

 أحلى قصة حب هى قصة آدم وحواء ….. قصة الإنسان اللى شاف الجنة بعينه و عاش فيها و شرب من ميتها و شاف سماها و جوها وأكل من فاكهتها و مع ذلك مكانش مبسوط

مكانش مبسوط عشان كان وحيد مفيش حد يخاف عليه و يفكر فيه و يبقى عارف أنه برضه بيخاف عليه و بيحبه

و برضه يتخانق معاه و يزعل منه و بعدين يصالحه

مظنش كان حيبقى مبسوط لو الحد ده كان راجل تانى زيه

…. متفهمونيش غلط بس قصدى أن لو أن كان معاه واحد صاحبه … هل كانوا حيبقوا سعدا ؟ و هما بيتناقشوا فى الموقف السياسى لحزب المعارضة الشيطانى  ؟؟؟ ولا نتيجة ماتشات الجن و الملايكة و دورى وأخبار تدريبات فريق الشياطين الحمر ؟ و لا و هما بيتكلموا عن جمال الجنة وحلاوتها و الفن اللى فيها ؟؟ ولا و هما قاعدين بيلعبوا طاولة فى القصر بتاعهم ؟؟؟ … و طبعا طاولة دهب و ألماظ  مش أى حاجة

أظن ان آدم بالرغم من كل الجمال و السرور و الهدوء اللى كان فيه كان ناقصه حاجة ….. يمكن هو نفسه مكنش عارف هى ايه ؟؟؟؟؟؟

مكنش ناقصه الأكل ولا الشرب ولا الراحة ……… و متقوليش الجنس لأنه مكانش لسة عرفه ……

المزيد

تصلنى هذه الرسالة كل عام تقريبا أكثر من مرة و من أكثر من شخص و دائما ما أقوم بمسحها و أنا مندهش من أن أصحاب العقول فى راحة … اقرأ معى  

" تحذير يوم القيامه قريب والدليل الرساله اقراها كامله ولا تهملها والا ستأثم

((منذ متى يأثم من يرفض قراءة رسالة بين البشر و بعضهم بل أن قراءة القرآن ليست فرضا فهل عدم قراءة هذا العبط تجعلنى آثما؟ )) """ 

وصية الرسول في منام الشيخ احمد حامل مفاتيح حرم الرسول الكريم

((ممكن بقى أسأل سعادتك مين الشيخ أحمد ده اللى ربنا أختاره و فضله على الرسول محمد و أخبره بقرب يوم القيامة بينما لم يعلم بميعادها النبى نفسه ؟))

بسم الله الرحمن الرحيم: السلام عليكم ورحمة الله وبركاته
اقسم ان الرسالة استقبلتها اليوم فارجوا ان تقرؤها كاملة وتعملوابهاهذه الوصية من المدينه المنورة من الشيخ احمد حامل مفاتيح حرم الرسول الكريم(ص)الى المسلمين من مشارق الارض ومغاربهاواليكم الوصية:

 وانهم ماتوا ميتة الجاهلية وان النساء لا يطعن ازواجهن ويظهرن امام الرجال بزينتهم من غير ستر ولا حجاب وعاريات الجسد ويخرجن من بيوتهن من غير علم ازواجهن وان الاغنياء من الناس لا يؤدون الزكاة ولا يحجون الى بيت الله الحرام ولا يساعدون الفقراء ولا ينهون عن المنكر .

وقال الرسول(ص)ابلغ الناس ان يوم القيامة قريب وقريبا ستظهرفي السماء نجمة ترونها واضحة وتقترب الشمس من رؤوسكم قاب قوسين اوادني وبعد ذلك لا يقبل الله التوبة من احد

 ((هناك حديث جميل للرسول "ص" يقول فيه فيما معناه( لو أن يوم القيامة قام و فى يد أحدكم فسيلة فليزرعها )و لم يقل عندما يقرر الشيخ أحمد اغلاق باب التوبة عن عباد الله))

  وستقفل ابواب السماء ويرفع القران من الارض الى السماء ويقول الشيخ /احمد أنه قد قال له الرسول الكريم (ص) في منامه انه اذا قام أحد الناس بنشر هذه الوصية بين المس

المزيد

 

المزيد