بدوى الأول عشر

مكنتش ناوى أدخل فى الموضوع ده عشان مش فاهم بالتحديد ايه اللى بيحصل

يعنى عارف طبعا اننا بنتسرق … بس مكنتش فاهم هما - الحكومة - ضبطوا النصباية المرة دى ازاى من ناحية التكنولوبيا

الصراحة كنت مواطن صالح و متوقع أنها ممكن تبقى فرقعة من اللى بيعملها الطابور الخامس - اللى هما المدونين و الصحفيين و الناس الوحشين دول - و توقعت أن الموضوع مش كبير اوى

وائل اتكلم فى الموضوع بس انفعاله فى الكلام خلانى قلت أنه بيبالغ لازم

الحكومة بتاعتنا برده مش غبية و بتسرق بالوضوح ده

بس بقى لاقيت ناس كتير اتكلموا و شرحوا و شكلها كدة ليلة سودا

حتلاقى تفاصيل كتير هنا و سط الأفكار المبعثرة عند بيللا

و عند مالك بردو بيقول أن طارق كامل متآمر و أهبل

و طبعا الأخوان اشتركوا فى المؤامرة اللى احنا عاملينها عشان تشويه سمعة النت المصرى

و البانر و الرسالة دى جايبهم أنا من هنا و حتلاقى تفاصيل كتير معاهم

حملة معــــــــــــــــــــــــــــــــــــــــا ضد الاستغلال

قف ضد الاحتكار وقول لا لمره واحده فى حياتك ضد اسعار خدمه ايه دى اس ال صحيح السعر سيتم تخفيضه من أول سبتمبر بنسبة 50% لكن ستحكم بعدد جيجا بايت شهريا… للتنزيل و فترات الاتصال وهذا معناه الاحتكار لان اللى عاوز ينزل اكثر يدفع أكثر
المطلوب الآتى:

أ - التهديد بإنهاء تعاقدات الاشتراكات

المزيد

استيقظ الهدف - اللى هو أنا - الساعة 4.00 العصر و خد دش و صلى الظهر بعدين العصر بعدين اتغدى و اتخانق مع اخواته زى كل يوم و اتصل بالمواطن اسلام عادل عشان كان متفق معاه يروح الحفلة بتاعة حرنكش

كالمعتاد المواطن اسلام نسى الميعاد فلبس الهدف هدومه و راح لوحده … دى أول مرة يخرج من بيتهم من حوالى أسبوع لظروف تكسيلية ضبابية شمالية جنوبية … قبل ما ينزل على طول كلمه سيادة المقدم هانى الخياط و قال له تعالى بدرى عشان بقالى كتير فى وسط البلد و مش لاقى حد أعذبه

وصل الهدف نقابة الصحفيين الساعة 7.33 و قابل هناك كل من :

حضرة الملازم محمد الطاهر و سعادة المقدم محمد عيد و فضيلة الأخ محمد عادل و دولة الباشا الزعيم السابق لحركة حرنكشيون من أجل التغيير حرنكش الأول

تم رصد معارض صغيرة للصور الجامدة جدا اللى صورها بعض الشباب المتعاون و على رأسهم الملازم محمد الطاهر و النقيب بيتر كرامة

قبل بدء العرض السينمائى وصل المواطن أحمد عيد و اللى مكلف بمراقبته المقدم محمد عيد "أخوه" ووصل مجموعة من العملاء من حزب الجبهة الديمقراطية تحت قيادة نورا الغزالى حرب ووصل كمان الجندى مجند يوسف غد و قائد فصيلة مشاة و طيران - متسألش ازاى مع بعض - بلال دياب و قعدوا فى الكرسى اللى ورايا …… بعد قليل ظهر العسكرى الأحمر هتلر/ لينين و بقت لمة حلوة متلمنهاش من أيام ما كنا بنراقب بعض فى المظاهرات

بدء العرض و الصراحة كان عرض جميل جدا ومتميز لتلات أفلام … السراب للمواطن سمير عشرة - بكسر العين - العين اللى فى الأسم مش عين سمير - و تسكين الشين - و فيلم  تنهيدة لدولة الزعيم محمود صابر "حرنكش" و فيلم  يوتوبيا للمواطن سمير عشرة

وسط العرض دخل نقيب أمن مركزى شهاب جبهة و عمل دوشة كعادته فى كل حتة

بالنسبة لفيلم السراب كان فيه - بالنسبة لى كناقد فنى من الدرجة التلاتة و عشرين - حاجة ناقصة … مش عارف ايه هى بالضبط

هو طبعا مكانش على المستوى الكارثى لفيلم "خيانة" اللى شفناه المرة اللى فاتت بس اللى أكد لى أن فيه حاجة ناقص

المزيد

المزيد

المزيد

المزيد

من الآخر مش لاقى حاجة خالص اكتبها من زماااااااان و كل ما تيجى فكرة فى دماغى أنساها فقلت منعا للملل (أو زيادة فيه) أكتب أخبارى الشخصية بصفتى من المهمين فى مصر

بس أولاعاوز أهنئ صديقى المخرج العظيم حننكش على باكورة انتاجه "تنهيدة" و أهنئ د. شريف فكرى صديقى اللدود على الجوازة السعيدة و من دلوقتى حاجز أول عيل يجيبه بأسمى .. آخده أربيه براحتى و أبقى أرجعهوله بعدين

ثانيا انا بشاور نفسى على الدخول فى حزب الجبهة ولا لا .. و لحد دلوقتى مش قادر اندمج هناك و مش حاسس بالجو اللى كان فى الغد زمان … و برغم أن الناس هناك ولاد ناس قوى .. بس جو المؤامرات بدأ عندهم بدرى بدرى و الله أعلم حيخلص على ايه

ثالثا - من غير ترتيب - أخدت الأجازة يوم الخميس - الأمتحانات كالعادة طعمها مر - و رجعت أفتح الماسنجر تانى بعد ما كنت بطلت أفتحه من ييجى شهر … اللى عاوز يكلمنى :

 badawy_elghad@hotmail.com

و لو عاوز يبعت لى ايميلات :

badawy_elghad@yahoo.com

بس ياريت ميبعتش ايميلات على الهوتميل عشان مش بفتحه غير قليل قوى و ميضيفنيش على الياهو مسنجر عشان مش بشغله …. عقد بقى نعمل ايه !!

رابعا أحتمال - احتمال بسيط - أنى قريب أعلن فشل نظرية الأخ خالد كساب و كلمته اللى لحد دلوقتى منستهاش و ناخد الخطوة اللى اتأخرنا قوى فيها و نعرف بجد اذا كان الصداقة و التفاهم من على النت ممكن يتطور لحب حقيقى ولا لا

خامسا حبدأ أدوّر على شغل … فل

المزيد

السيد المستشار/ النائب العام
تحية طيبة وبعد،،،،،،،،

مقدمة لسيادتكم د.أيمن عبد العزيز نـور – المحبوس حالياً بسجن مزرعة طره.
ضـــــد:

1-اللواء عماد شحاتة ترحيلات الجيزة
2-المقدم أحمد وحيد ترحيلات الجيزة
3-المقدم همام نصر ترحيلات الجيزة
4-الرائد هاني الفقي ترحيلات الجيزة
5-الرائد أحمد خلف ترحيلات الجيزة

الموضـــــــوع

بتاريخ 12/5/2007 قـام المعروض ضـدهم وآخـرين بالحضـور إلى سجن مزرعة طره في تمام الساعة الثامنة وخمسة وثلاثون دقيقة لمصاحبتي لحضور جلسة أمام محكمة الجيزة الكلية الدائرة 3 عمال

واعتبارا من داخل سجن المزرعة تم تقيدي بالقيد الحديدي وبعد خروجي من السجن فوجئت أن السيارة المرحل بها عبارة عن سيارة ترحيلات لا يوجد بها أي تجهيزات حتى دكه خشبية وتم إجباري على ركوب السيارة رغم علم مصلحة السجون بإصابتي بتآكل في غضاريف الركبتين والفقرات العنقية وحدوث تزحزح في فقرات العمود الفقري كما هو ثابت في تقرير الطب الشرعي الوارد في المحضر رقم 673 لسنه 2007 إداري المعادي المحرر بتاريخ 25/1/2007 والثابت به كل هذه الإصابات.

المزيد

ده موضوع مش حكتبه كله دلوقتى وفى دماغى من قبل ما أبدأ فى البلوج … كل ما أبدأ أفكر فيه أوصل لنفس النتيجة و مرضاش عنها و أحاول أعيد تفكير و أكذّب عقلى

بس كل حاجة بتوصل لنفس النتيجة … أحنا كمصريين منستحقش الحرية

ازعل منى أو أكتب أى كلام براحتك … بس برده مفيش فرق … بنحب نبقى عبيد و نتذلل لأى كلب حتى لو من غير سبب

طبعا مش الكل لأن أصلا مفيش حاجة بيشترك فيها الكل فى أى زمان أو مكان … بس الأغلبية المطلقة الكاسحة منا جبنا و خوافين و بيعشقوا الذل و النفاق و لحس رجلين اللى فوقيهم مهما كانت ريحتها معفنة

مينفعش تلوم الحرامى أنه سرق البيت و صحاب البيت شايفينه بيسرقه من غير ما يدافعوا عنه و الا تبقى عبيط و أهبل و تستاهل أنهم يشمتوا فيك بعد كدة لما يقولولك حد قال لك تعمل فيها أبو زيد الهلالى  …… مينفعش نلوم حسنى مبارك أنه بيسرقنا ويعذبنا و يسرطنا و يسجننا و يرجع فى الآخر يتمحلس لأسرائيل و أمريكا و فرنسا و روسيا و كل بلد محترمة و احنا راضيين بده و ساكتين

و مينفعش نلوم ممدوح اسماعيل عشان قتل ألف و ربعماية مصرى اذا كان أهل المقتولين نفسهم - قلنا برده مفيش حاجة أسمها الكل فيه حاجة أسمها الأغلبية - خدوا تعويضات و سكتوا

المصريين ميستاهلوش أنهم يبقوا أحرار لأنهم أصلا مش بيدوروا على حريتهم …

المصريين ميستاهلوش عدالة أجتماعية لأن أصلا الفقرا راضيين بفقرهم و ساكتين و اللى يدافع عنهم عشان صعبانين عليه يبقى أهبل و عبيط ….

المصريين ميستاهلوش تعليم محترم لأنهم راضيين بالتعليم العقيم اللى بيتعلموه ولادهم و يطلعهم بهايم مش فاهمين حاجة فى أى حاجة

المصريين ميستاهلوش علاج محترم طول ما شاغلهم الوحيد ماتشات الكورة و فتاوى غسل الشراب و قص الحواجب

المصريين ميستحقوش غير اللى هما غرقانين فيه دلوقتى لأنهم س

المزيد

79 سنة …. يااااااااه كام واحد هنا له حد قريبه وصل السن ده ؟؟؟

طاب بعد ما وصل 79 سنة فضل بصحته و شبابه و قدرته على التمييز و التفكير؟

 بيشوف و يسمع كويس ؟؟ و بيفهم و بيقرا و حكمه صح على الأمور؟؟

طيب كام واحد عنده 79 سنة ممكن يدير شركة أو مؤسسة بنجاح ؟؟؟

طيب كام واحد عنده 79 سنة ممكن يشتغل عشان يأكل 70 بنى آدم … بقول 70 مش 70 مليون

طيب كام واحد عنده 79 و لسة فى شغله ؟؟ … يعنى … مش مفروض يطلع معاش من 19 سنة !!!

لو أنت سواق القطر اللى راكبه عنده 79 سنة حتبقى نايم مستريح و مش همك حاجة ؟؟

طبعا يبقى كدة طبعا محتاجين دم جديد …. نجيبه منين … نجيبه منين ؟؟؟؟

أكيد حنلاقى واحد عمره ما ركب تاكسى - مش حقولك اتوبيس - ولا بيعمل مجهود عشان يوصل لأى حاجة … واخد أبونيه مجانى من هيئة النقل كلها يوديه مطرح ماهو عاوز

عشان هو قريب السواق فلازم يكون بيعرف يسوق …. مش مهم أوى الكام حادثة اللى السواق نفسه عملهم  … و الكام ألف راكب اللى بيقعوا منه كل رحلة   … أكيد أبنه أتعلم منهم و مش حيعمل زيه

أنا لو شفت الوضع كدة يا أما حنزل من القطر … صعب أنط عشان جبان … بس بشوف كل يوم ناس بتنط و بتحاول ترمى نفسها فى أى محطة أو مزلقان

المزيد

أكتب هذا الموضوع فى محاولة للخروج بالمدونة من حالة الجمود العاطفى الكئيب الذى أدهشنى أنه ضايق اصدقائى على غير رغبتى برغم أنه نوع كتابتى المفضل و الأصدق لدرجة أن صديق لى سألنى اذا كنت أتمتع بالأكتئاب !!

و الصراحة ربما يكون هذا صحيحا الى حد ما … فالأكتئاب يعطينى مبررا لعدم عمل أى شئ لا أحبه … و أنا لم أعد أحب شيئا اصلا … و يعطينى رخصة بالخمول و الخمود و …. البكاء أيضا الذى هو دليل اننى انسان ضعيف يستمتع باحساس أنه مظلوم فى كل أحواله

أتوقع مدى الغضب الذى سيرد به زملائى و أصدقائى فى الغد على ما سأسطره هنا و لكن …

أن مفهومى لليبرالية بالأساس هو تحرير العقل من قيوده و أطلاقه ليفكرو يبدع و ينتقد و يقارن … لذلك فأن من أهم القيود التى يجب أن أطلق منها عقلى هو قيد ارتباطى العاطفى بأول أنسان تعلمت السياسة على يديه و فتح لى مجالات فى الحياة لم أكن لأعلم عنها شيئا لولا مروره بحياتى 

و كما أرفض ان يكون هناك صنم يعبده البعض أسمه عبد الناصر أو فرعون مدفوع الأجر اسمه حسنى مبارك أو أصنام جاهلية جديدة فى بلاد الصحراء يحاول البعض فرض وصايتها علينا فأنا أرفض أن أصنع لنفسى صنما و أنزهه عن الخطأ أو اتغاضى عن عيوبه

ببساطة … أنا أحب د.أ

المزيد

بسم الله الرحمن الرحيم

الصراحة يا جماعة دى أول مرة أتكلم فى مؤتمر سياسى و قدام ناس كتير كدة و جالى امبارح برد فسامحونى يعنى

أنا بس عاوز أقول كلمتين و أمشى …. أنا أصلا مش بتاع سياسة و لا أيديولوجيات ولا امبريالية ولا الكلام الكبير ده ……… أنا زى السبعين مليون مصرى كنت عايش فى حالى و مليش دعوة بالحكومة ولا حسنى مبارك ولا الفساد بتاع الحزب الوطنى

لما كنت بسمع أن الأنتخابات بتتزور كنت بقول و ايه يعنى ميزوروها و لما كنت بسمع أن فيه ناس فى الحكومة بتسرق و بترتشى برضه بقول و أنا مالى منا عايش وخلاص …. صحيح كان دمى بيتحرق ساعات لما أشوفهم بيكسروا شارع لسة مرصوف جديد عشان يقلبولهم قرشين بس برضه كنت بقول مش مشكلتى

كنت بقول زى جرايد الحكومة أن الفساد فى العالم كله مش ف مصر بس

بس بعدين لقيت أن الفساد مش مكفيه يسرق و بس ….. الفساد بقى يقتل كمان …….. لقيت مبيدات مسرطنة جاية لنا من دولة أسرائيل الشقيقة و اللى مدخلها نائب رئيس الحزب الو

المزيد

مصر اتخطفت …

الأخوان حيتبهدلوا أكتر ما هما متبهدلين …

الأنتخابات حتبقى فى يوم واحد من غير اشراف قضائى …

من حق أمن الدولة أنهم يلموا أى حد فى أى وقت - ممكن يبقى قريبك على فكرة - من غير ما يقدر يرفع قضية لأن الموضوع بقى دستورى و قانونى …

ده طبعا غير التنصت على التليفونات من غير اذن نيابة ولا كلام فارغ

مفيش حد حيعرف يرشح نفسه فى انتخابات الرئاسة - ده لو حد استجرى يعنى بعد اللى حصل و بيحصل لأيمن نور - غير اللى يوافق عليه الحزب الواطى

هو ده الدستور اللى حسنى زفت بيقول أنه مستقبل مصر؟؟؟

———

فاضل ايه طيب ؟؟؟؟؟ هما متوقعين ايه يعنى ؟؟؟؟؟

الضغط بيولد الأنفجار … و الأنفجار مش حيبقى سهل ولا هين

دمى محروق من اللى بيحصل … شوية أقول مفيش فايدة و لازم أكبر دماغى زى ما الناس كلها ما عاملة … بس فعلا مينفعش … اللى بيحصل فى البلد ده زيادة عن حده قوى

دول مش فاهمين أن اللى بيعملوه ده حيولع البلد كلها مرة واحدة ؟؟؟

طول عمرى ضد الثورة … لأ مش بس الأنقلابات العسكرية … الثورات الشعبية كمان …. لأنها بتدمر أكتر ما بتبنى و بتحرق الحلو مع الوحش ….. بس دلوقتى حاسس أن فعلا الضغط زاد عن حده

المزيد

وصلنا لحد فين ؟؟؟

لحد ما قابلت محمد عيد و كان ساعتها الأخبار وصلت لنا أن 22 واحد اتقبض عليهم منهم محمد الطاهر و محمد عادل و كان فيكتور لسة ممسوك قدامى من شوية و محدش عارف الأخبار بالضبط

صفا كانت عاوزة نرجع نقف مع د.عايدة عشان مش معقولة نسيبها واقفة لوحدها فى الشارع … أنا كان رأيى أن مفيش فايدة من أننا نروح و نتمسك مع الناس اللى أتمسكوا من غير ما نفيدهم بحاجة … بس سكت عشان ميتقالش عليا جبان … محمد عيد هو اللى قال اللى أنا كنت مقتنع بيه من أن مرواحنا ميدان التحرير تانى مش حيجيب نتيجة و الأحسن ننضم للناس اللى بيتظاهروا عند حزب التجمع

طبعا لو أنت مش من البلد دى حتفتكر أن اللى بيتظاهروا دول عند حزب التجمع أعضاء حزب التجمع لاقدر الله ولا حاجة … ده أنت كدة تبقى طيب قوى … أقرا للآخر عشان تعرف بجد  بجد أن السياسة نجاسة

صفا كانت بتحاول تقنعنا نرجع بس لقينا كتير من الوجوه المعروفة فى المظاهرات ماشيين بسرعة ناحية الحزب ففهمنا أن الناس حتتجمع هناك ….

عدينا على حزب الغد ف الطريق قدام تمثال طلعت حرب … استغربت لما ملقيتش حد فى البلكونة بس لما مشينا من عند الباب لقيت العساكر حابسين الناس فى المدخل بتاع العمارة كالمعتاد …..

فيه جنب حزب التجمع للى راح وسط البلد حارة سد آخرها جراج

العساكر واقفين على أول الحارة كذا صف ورا بعض ( عشان الحارة ضيقة ) و سادين الحارة على الناس اللى بتهتف جوة

دخل

المزيد

أنا بقالى كتير مكتبتش و عشان كدة ححاول أختصر و مش حعرف ،،،

فاللى كان موجود يوم المظاهرة ميقراش … و اللى مش بيحب الرغى الكتير ميقراش … واللى بيكرهنى ميقراش …….. مفاضلش غيرى أنا اللى حقرا اللى أكتبه ؟؟ ماشى أهو أكتب اللى حصل للذكرى ( وعدت أنى حاخد بالى من نفسى و متأكد أنهم مش بيقبضوا على اللى بيكتب على النت - لحد دلوقتى - فمتخافش عليا ياللى ف بالى )

بقالى أسبوع عمالة تجيلى اميلات و رسايل عشان مظاهرة يوم الخميس (امبارح)

الصراحة مكنتش متحمس عشان أدعو ليها الناس … وعندى ميت سبب بس أنا قلت حختصر فححكى بس اللى حصل من غير وجهات نظر كتير

نزلت من بيتنا الساعة خمسة الا ربع .. طبعا من غير ما حد فى البيت ما يعرف أنا رايح فين لأنى كنت متوقع جدا ان احنا حننطحن ضرب …… ليه ؟…. عشان بقالنا كتير ساكتين ولازم يحاولوا يمنعونا نرجع نعملهم دوشة تانى

"إحنا" اللى هما بيسموا نفسهم النشطاء السياسيين …. مجموعة من البشرمن مراحيض سياسية مختلفة ( مش قلنا قبل كدة ان السياسة نجاسة ؟)

المهم

المظاهرة كانت ضد تعديل الدستور … بس الصراحة أنا شايف أنها محاولة مننا أننا نتجمع تانى زى زمان و نقول أننا لسة عايشين و لسة رافضين حسنى مبارك و رافضين دلاديله و الهبل اللى بيعملوه عشان يضحكوا علينا و نلاقى - فجأتن كدة -أن مفيش حد حيمسك البلد غير الزفت ده اللى أسمه جمال مبارك

وصلت ميدان التحرير الساعة خمسة و نص …… كنت عارف أن الميعاد الساعة خمسة بس قلت لنفسى أن أكيد الناس حيتأخروا ……..ده اللى مفروض أقوله لكم عشان أضحك عليكم و تفتكروا أنى مناضل و بتاع

(لكن السبب الحقيقى ان ده كان نوع من التأمين اللى أكتسبته كخبرة من المظاهرات اللى فاتت …. بأمن نفسى عشان لو حصل ضرب و قبضوا على الناس أعرف قبل ما أوصل و أعمل حسابى حتصرف ازاى )

هو جبن  منى طبعا …. بس أسمع للآخر

وصلت الميدان و قعدت ألف فيه بدور على الناس لقيته كله عساكر عساكر و الناس اللى ماشية بتسأل هو فيه ايه ؟ و كالمعتاد ن

المزيد

لماذا أقف مع جبهة وائل نوارة؟

 

 

ببساطة و دون حسابات معقدة لأن م.وائل يمثل جيلى و جيل الشباب داخل حزب الغد … فبرغم فارق السن بيننا الا أنه يمثل ذلك الجيل الذى انضم للحياة السياسية فى اللحظة التى شعر أن مصر تحتاج اليه فيها بدون تردد مع علمه بالمخاطر المترتبة على انضمامه و قيادته و تشكيله لفكر و برنامج حزب مثل حزب الغد الذى هز الحياة السياسية فى مصر برغم كل المشاكل و الأخطاء التى وضعت فى طريقه .

 

م. وائل لم يحترف السياسة أو يتربح منها … بل الحقيقة أنه مثل د. أيمن نور خسر الكثير و الكثير من ثروته مقابل وجوده فى المقدمة فى حزب الغد برغم بعده عن الأضواء و الشهرة .

 

 قد كنت دائما أتعجب كيف يستمر د.أيمن و مدام جميلة اسماعيل فى طريقهما رغم كل المشاكل التى تواجههم و أقول:

 

لابد أن حب الناس هو الدافع و المحفز له كما أن كونه رجل حقوقى وبرلمانى و تربيته السياسية لهم الأثر الكبير فى تمسكه بطريقه و صموده … و صلابة مدام جميلة مرتبطة بصلابة دكتور أيمن تساندها و تستمد منها القوة فى نفس الوقت … دائما ما كان هذان الزوجان مصدر الهام حقيقى لى فى كثير مما كتبت من قبل …

 

 

و لكنى على الجانب الآخر أتعجب عندما أرى رجل الأعمال الناجح الذى يضحى بجل وقته وهو يساوى ألاف الجنيهات وهو يعمل مع الآخرين فى الظل و بكل مجهود و اصرار … يخطط و ين

المزيد

بقالى كتير مكتبتش حاجة ؟؟

طب و فرقت ف ايه ؟؟

أنا بكتب ليه اساسا ؟؟

مشكلتى الأساسية فى السؤال ده … ليــــه ؟؟؟

مش ازاى أو امتى … مشكلتى دايما فى "ليــــــــــه؟؟؟"

ليه أكتب ؟ و ليه أقرا ؟ وليه أفكر أصلا ؟

بيقولك أن الحضارة اللى احنا متشعبطين فى ديلها دلوقت قايمة بالأساس على سؤال

"ليـــــــــــــــــه … لماذا … why … pour quoi

؟

الأساس فى أى علم هو السؤال اللى غالبا ملوش اجابة نهائية ده

السؤال الشاحن للهمم و المستفز للعقول

ليــــــــــــــــــــــــــه ؟؟

——————————

كفاية كدة بقى ……… ممكن أشكيلك شوية ؟؟

أنا عمال أتكلم طول الوقت وعاوزك انت تتكلم شوية

محتاجك أنت تساعدنى و تريحنى أو تفهمنى

فعلا أنا معنديش طاقة نفسية أكمل كتابة … مخنوق من مليون حاجة و أكتر حاجة تعبانى … الحمل اللى بقى عليا بسبب الكتابة دى … سواء هنا أو ف أى حتة

ناس بتشتمنى و بتفسر كل كلمة منى على أنها مؤامرة

وناس بتكرهنى من غير ما تعرف عنى أى حاجة

وواحد صاحبى اشتراكى بحبه جدا بيقولى جرب تكتب عن الأشتراكية و أنا أبهدلك

وناس برضه بتحبنى و تثق فى كلامى مع أنى أنا نفسى مش قادر أثق فيه لأنه متغير و مش ثابت ومش نهائى

وناس بقت مقتنعة انى عندى حلول لكل مشكلة وبتسألنى فى حاجات معرفش اجابتها و يمكن كمان مستحيل فى يوم أعرف لها اجابة أو أفكر فيها أصلا

المزيد

المزيد

هذا ليس كلامى و أختلف مع بعض ما فيه و لكنى أعلم تماما أن كثيرا مما به صحيح لذلك أترك لكل شخص أي يقراه و يحكم عقله

بسم الله الرحمن الرحيم

وَاتْلُ عَلَيْهِمْ نَبَأَ الَّذِيَ آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ{175} وَلَوْ شِئْنَا لَرَفَعْنَاهُ بِهَا وَلَـكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ذَّلِكَ مَثَلُ الْقَوْمِ الَّذِينَ كَذَّبُواْ بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ{176} سَاء مَثَلاً الْقَوْمُ الَّذِينَ كَذَّبُواْ بِآيَاتِنَا وَأَنفُسَهُمْ كَانُواْ يَظْلِمُونَ{177}

———— ——— ——— ——— ——— –

احمد البغدادي / السياسة

لا يوجد بلد مسلم يستطيع فيه المسيحي أو اليهودي أن يبرز الصليب أو الطاقية ويمر عليه الأمر بسلام,(وحتى ان مر بسلام لا يخلو الأمر من مضايقات و معاملة - على أقل تقدير - مختلفة عن معاملة بقية الناس و الأمر ليس فقط لأصحاب الديانات الأخرى بل لأصحاب المذاهب الأخرى أيضا ) كما لا يحق لأصحاب ذوي الديانات البشرية كالبوذية والهندوسية ممارسة شعائرهم في العلن دون أن ينالهم الأذى من الناس,(زى ما حصل للبهائيين … و الحجة هنا أنهم ليسوا أتباع عبادات سماوية … طيب لو منع الهندوس المسلمين من شعائرهم فى الهند ده حيبقى صح ولا غلط بما أنهم بقى الأغلبية و من حقهم يمشوا الأقلية على مزاجهم زى ما بنعمل هنا )   حتى ولو وافقت الحكومة كما حدث مع المعبد الهندوسي في الكويت.

في مقابل هذا الاضطهاد الديني الذي يفتخر به أتباع التيار الديني, لا يوجد بلد علماني يمنع بناء المساجد, هذا إن لم تقم الحكومة بتمويلها.

كما لا يوجد بلد علماني يمنع المسلم من الصلاة في العلن ( و ان كانت المجتمعات الغربية مسيحية الثقافة تقاوم ذلك الى حد ما " مثلما حدث مع السيناتور المسلم فى الكونجرس الأميركى " لأنه يعتبر بالنسبة لهم غزو ثقافى اسلامى ), ولذلك أرثي كثيرا للمسيحيين الذين يرون في رمضان, وهو شهر خاص بالمسلمين, الرؤية الدينية نفسها من حيث أنه شهر عبادة, مع ملاحظة أن هذا العام الذي يشهد قيام مجتمع كويتي أكثر تشدداً من ذي قبل على المستوى الديني, يشهد بشكل مواز شهادات شخصية مسيحية بحق رمضان, وأتساءل: هل هو الخوف؟ لأنه مثل هذا الأمر لم يحدث من قبل, خصوصا وأن فتاوى المسلمين ( يجب أن أقول هنا أنها ليست فتاوى المسلمين بل هى فتاوى السلفيين و المتطرفين و التى للأسف أصبح لها الصوت الأعلى بسبب الجهل و الفقر و الغباء المنتشر فى الدول الأسلامية )لا تجيز تهنئتهم بأعيادهم ولا مشاركة المسلمين لهم!!( هى أصلا هذه الفتاوى لا تجيز شيئا فكل شئ حرام حرام حرام …)

لا توجد كنيسة في العالم المسيحي العلماني يقف القسيس فيها ليلعن كل من يخالف دينه أو يدعو عليهم بالويل والثبور كما يفعل خطباء الجمعة عندنا. (يحدث هذا فى اسرائيل وبعض الدول وفى أمريكا أيضا ولكن تقوم القيامة عندنا عندما يحدث بينما لا نرى أى مشكلة فيما يقوله الخ

المزيد

لهواة الأختصار نكتب الخلاصة الأول و بعدين أرغى براحتى عشان أنا بحب الرغى

1) عندما يصمت الجميع تبحث السلطة عمن يتكلم لتطحن عظامه و تخرسه

(ليس بالقتل فقط يسكت الأنسان )

ارفع رأسك ياخويا ( أنت فى الدولة الناصرية أو الستالينية )

2) عندما يتكلم الجميع تبحث السلطة عمن يتحرك لتضايقه و تصعب عليه حياته و تزهقه فى عيشته بطرق تبدأ من الأهانة ولا تنتهى بالحبس

(اكتئب أنت فى مصر مبارك)

3) عندما يتحرك الجميع تبحث السلطة عمن يقود تلك التحركات لتتفاوض معه لترشيه أو لتلبى جزء من مطالبه

(حسنا اقتربنا من الست ديمقراطية )

4) عندما يصبح الجميع قادة فلا تبحث السلطة عن أحد لأنها فى يد الجميع

(زى المحمول كدة)

————————–

حسنا كان هذا الموجز و اليكم الأنباء بالتفصيل :

عندما تكون فى دولة الخوف و الصمت يكون للصوت قيمة و لذلك يجب وأده سريعا … يكون الرعب و الأرهاب و الخوف من مجرد الكلام حاكما للجميع حتى المقربين من السلطة

نجد هذا النموذج حاضرا فى مصر عبدالناصر و عراق صدام و ألمانيا هتلر و روسيا ستالين و كوريا الشمالية حاليا … أقتربت حتى أمريكا من هذا فى حقبة الخمسينات " الحقبة المكارثية " كما يسمونها حيث كان الخوف من الشيوعيين مسيطرا على الأمريكيين

نجد فى هذه الحالات كل نفس محسوب على صاحبه و التنصت هو العادى و المقبول شعبيا و قد يؤدى لهلاك الشخص مجرد سوء تفاهم أو أختلاف بسيط فى وجهات النظر بدعاوى الأمن القومى الذى هو فى الحقيقة أمن العصابة الحاكمة ….

لا أظن أننى أحتاج لقول ما تنتهى اليه هذه النماذج دائما من فشل و خيبة غالبا لا يفيق منها أنصارها أبدا لما يكون لها من كاريزما و لما فيها من تبسيط عبيط يدعى حل كل المشاكل بطرق سهلة لا تحتاج لتفكير مثل وجود النازيين حتى الآن ( مجبتش سيرة الناصريين أهه )

كما يكون فيها غسيل العقول هو السائد و المسيطر على كل سبل الحياة و التعليم

————————–

عندما تكون فى دولة الفشل و الأحباط فيصبح الكلام مرطرط فى كل حتة … كل الناس

المزيد