بدوى الأول عشر

المزيد

 

زهقت من الإكتئاب … يعنى حتى الإحساس بالملل على طول بقى ممل فى حد ذاته

المزيد

بقالي هنا كتير
عاوز أمشي بقى
بس مش عاوز أمشي من نفسي
عاوز الراجل الكبير هو اللي يمشيني
فيه ضيوف كتير بيحبوا المكان ومش عاوزين يمشوا
انا كمان كنت باحبه
بس زهقت منه
الراجل الكبير مش بيديني الحاجات اللي انا عاوزها
وعارف ان انا قاعد مستنيها
وساعات يديها لضيوف مش محتاجينها
بس هو حر
حاجاته يديها على مزاجه
لكن مش ها اقدر استني قد اللي استنيته
انا اخدت برضه حاجات
كانت كويسة
بس فيه حاجات مستنيها بقالي كتير
وما جاتش
مش عاوز استنى تاني
زهقت
وخلاص مش عاوزها
عاوز أمشي
انا يمكن كنت ضيف تقيل شوية
بس الر

المزيد

بناء على طلب صديق قال لى قلل جرعة الكآبة شوية فى المدونة … الناس مش ناقصة فأنا مش لاقى حاجة أكتبها !!!!

بتاجر بقصة الحب اللى عشتها و خلصت ؟؟ ممكن أكون فعلا كدة من غير ما أحس ولا أقصد ؟؟ يمكن فعلا أنا عاجبنى إن الناس تقول لى أنى عندى حق و يتعاطفوا معايا فبحكى حاجات مفروض محدش يعرفها ؟؟ …. مش عارف احتمال أنا مش شايف نفسى كويس !!

خلاص مش حكتب عن الاكتئاب اللى بعيشه ولا عن الحاجات اللى تجيب اكتئاب للناس - اللى هى كل حاجةة حواليهم - ولا عن قصة الحب التخيلى اللى حاولت انها تنجح لفترة قربت تكمل سنة من غير فايدة

بس برده أنا لسة مقتنع أن القصة مش منجحتش بسبب أنها بدأت عن طريق النت … يمكن لأنها لو كانت بدأت بوسيلة تواصل تانية غير النت برده فمفيش أى ضمانة أنها كانت حتنجح … بالعكس … بس ما علينا

أكتب كلمتين ملهوم

المزيد

استيقظ الهدف - اللى هو أنا - الساعة 4.00 العصر و خد دش و صلى الظهر بعدين العصر بعدين اتغدى و اتخانق مع اخواته زى كل يوم و اتصل بالمواطن اسلام عادل عشان كان متفق معاه يروح الحفلة بتاعة حرنكش

كالمعتاد المواطن اسلام نسى الميعاد فلبس الهدف هدومه و راح لوحده … دى أول مرة يخرج من بيتهم من حوالى أسبوع لظروف تكسيلية ضبابية شمالية جنوبية … قبل ما ينزل على طول كلمه سيادة المقدم هانى الخياط و قال له تعالى بدرى عشان بقالى كتير فى وسط البلد و مش لاقى حد أعذبه

وصل الهدف نقابة الصحفيين الساعة 7.33 و قابل هناك كل من :

حضرة الملازم محمد الطاهر و سعادة المقدم محمد عيد و فضيلة الأخ محمد عادل و دولة الباشا الزعيم السابق لحركة حرنكشيون من أجل التغيير حرنكش الأول

تم رصد معارض صغيرة للصور الجامدة جدا اللى صورها بعض الشباب المتعاون و على رأسهم الملازم محمد الطاهر و النقيب بيتر كرامة

قبل بدء العرض السينمائى وصل المواطن أحمد عيد و اللى مكلف بمراقبته المقدم محمد عيد "أخوه" ووصل مجموعة من العملاء من حزب الجبهة الديمقراطية تحت قيادة نورا الغزالى حرب ووصل كمان الجندى مجند يوسف غد و قائد فصيلة مشاة و طيران - متسألش ازاى مع بعض - بلال دياب و قعدوا فى الكرسى اللى ورايا …… بعد قليل ظهر العسكرى الأحمر هتلر/ لينين و بقت لمة حلوة متلمنهاش من أيام ما كنا بنراقب بعض فى المظاهرات

بدء العرض و الصراحة كان عرض جميل جدا ومتميز لتلات أفلام … السراب للمواطن سمير عشرة - بكسر العين - العين اللى فى الأسم مش عين سمير - و تسكين الشين - و فيلم  تنهيدة لدولة الزعيم محمود صابر "حرنكش" و فيلم  يوتوبيا للمواطن سمير عشرة

وسط العرض دخل نقيب أمن مركزى شهاب جبهة و عمل دوشة كعادته فى كل حتة

بالنسبة لفيلم السراب كان فيه - بالنسبة لى كناقد فنى من الدرجة التلاتة و عشرين - حاجة ناقصة … مش عارف ايه هى بالضبط

هو طبعا مكانش على المستوى الكارثى لفيلم "خيانة" اللى شفناه المرة اللى فاتت بس اللى أكد لى أن فيه حاجة ناقص

المزيد

تقوم من النوم … تغسل وشك بمية نسبة الكلور فيها أعلى من الطبيعى معرفش بكام ضعف … تعد تفطر شاى و لبن … اللبن فيه بودرة سيراميك و هرمونات نشطة - راجع الأهرام معرفش العدد رقم كام و لا يوم ايه بس أغلب اللى بقوله عرفته من أخبار منشورة فى الأهرام مش بألفه يعنى - الشاى معمول من نفس المية المليانة شوائب و بكتريا غير الكلور اللى قلنا عليه من شوية - طبعا لو سيادتك من منطقة قديمة فشبكات المية متوصلة بشبكات الصرف الصحى و أهه كله فوايد …

الشاى نفسه فيه نسبة نشارة خشب - النسبة حسب السعر طبعا - تاكل لك طبق الفول المستورد من الصين و تغمس بعيش معمول من القمح المسرطن بتاع يوسف والى نائب رئيس الحزب الوطنى و تاكل معاها كام زتونة من اللى اتمنع تصديرهم من مصر عشان المزارعين المصريين بيستعجلوا على الزتون و بيدهنوه بورنيش جزم بدل ما يستنوا لحد ما يستوى

خلصت ؟ بالهنا و الشفا … ألبس بقى …… هدومك و أنزل من بيتكوا فى هواء القاهرة الجميل اللى زى الفل …. كان فيه مرة خناقة بين وزارة النقل ووزارة البيئة عشان التلوث اللى بتسببه أتوبيسات النقل العام …….. الصراحة وزارة البيئة كانت بكل عزيمة بتطلب أن شكمانات الأتوبيسات تبقى فوق الأتوبيس بدل ماهى قريبة من الأرض …….. و الهدف من كدة أن العادم ميتحطش فى وش الناس ….. محدش سأل طيب ماهو العادم حينزل لتحت تانى بالراحة و برضه يفضل فى

المزيد

ده موضوع مش حكتبه كله دلوقتى وفى دماغى من قبل ما أبدأ فى البلوج … كل ما أبدأ أفكر فيه أوصل لنفس النتيجة و مرضاش عنها و أحاول أعيد تفكير و أكذّب عقلى

بس كل حاجة بتوصل لنفس النتيجة … أحنا كمصريين منستحقش الحرية

ازعل منى أو أكتب أى كلام براحتك … بس برده مفيش فرق … بنحب نبقى عبيد و نتذلل لأى كلب حتى لو من غير سبب

طبعا مش الكل لأن أصلا مفيش حاجة بيشترك فيها الكل فى أى زمان أو مكان … بس الأغلبية المطلقة الكاسحة منا جبنا و خوافين و بيعشقوا الذل و النفاق و لحس رجلين اللى فوقيهم مهما كانت ريحتها معفنة

مينفعش تلوم الحرامى أنه سرق البيت و صحاب البيت شايفينه بيسرقه من غير ما يدافعوا عنه و الا تبقى عبيط و أهبل و تستاهل أنهم يشمتوا فيك بعد كدة لما يقولولك حد قال لك تعمل فيها أبو زيد الهلالى  …… مينفعش نلوم حسنى مبارك أنه بيسرقنا ويعذبنا و يسرطنا و يسجننا و يرجع فى الآخر يتمحلس لأسرائيل و أمريكا و فرنسا و روسيا و كل بلد محترمة و احنا راضيين بده و ساكتين

و مينفعش نلوم ممدوح اسماعيل عشان قتل ألف و ربعماية مصرى اذا كان أهل المقتولين نفسهم - قلنا برده مفيش حاجة أسمها الكل فيه حاجة أسمها الأغلبية - خدوا تعويضات و سكتوا

المصريين ميستاهلوش أنهم يبقوا أحرار لأنهم أصلا مش بيدوروا على حريتهم …

المصريين ميستاهلوش عدالة أجتماعية لأن أصلا الفقرا راضيين بفقرهم و ساكتين و اللى يدافع عنهم عشان صعبانين عليه يبقى أهبل و عبيط ….

المصريين ميستاهلوش تعليم محترم لأنهم راضيين بالتعليم العقيم اللى بيتعلموه ولادهم و يطلعهم بهايم مش فاهمين حاجة فى أى حاجة

المصريين ميستاهلوش علاج محترم طول ما شاغلهم الوحيد ماتشات الكورة و فتاوى غسل الشراب و قص الحواجب

المصريين ميستحقوش غير اللى هما غرقانين فيه دلوقتى لأنهم س

المزيد

أكتب هذا الموضوع فى محاولة للخروج بالمدونة من حالة الجمود العاطفى الكئيب الذى أدهشنى أنه ضايق اصدقائى على غير رغبتى برغم أنه نوع كتابتى المفضل و الأصدق لدرجة أن صديق لى سألنى اذا كنت أتمتع بالأكتئاب !!

و الصراحة ربما يكون هذا صحيحا الى حد ما … فالأكتئاب يعطينى مبررا لعدم عمل أى شئ لا أحبه … و أنا لم أعد أحب شيئا اصلا … و يعطينى رخصة بالخمول و الخمود و …. البكاء أيضا الذى هو دليل اننى انسان ضعيف يستمتع باحساس أنه مظلوم فى كل أحواله

أتوقع مدى الغضب الذى سيرد به زملائى و أصدقائى فى الغد على ما سأسطره هنا و لكن …

أن مفهومى لليبرالية بالأساس هو تحرير العقل من قيوده و أطلاقه ليفكرو يبدع و ينتقد و يقارن … لذلك فأن من أهم القيود التى يجب أن أطلق منها عقلى هو قيد ارتباطى العاطفى بأول أنسان تعلمت السياسة على يديه و فتح لى مجالات فى الحياة لم أكن لأعلم عنها شيئا لولا مروره بحياتى 

و كما أرفض ان يكون هناك صنم يعبده البعض أسمه عبد الناصر أو فرعون مدفوع الأجر اسمه حسنى مبارك أو أصنام جاهلية جديدة فى بلاد الصحراء يحاول البعض فرض وصايتها علينا فأنا أرفض أن أصنع لنفسى صنما و أنزهه عن الخطأ أو اتغاضى عن عيوبه

ببساطة … أنا أحب د.أ

المزيد

es

يحصل ايه لو صحيت مرة و لقيت أن أقرب الناس ليك متربطكش بيهم أى علاقة؟؟

لو لقيتهم ناس عايشين فى حياتك و عايش فى حياتهم و خلاص ؟؟

أنت موجود فى حياتهم بالصدفة مش أكتر و مفيش بينك و بينهم أى ترابط عاطفى ؟؟

ممكن لو صحيت لقيت نفسك فى بلد تانية تنساهم و متفكرش فيهم أبدا …

يحصل ايه لو مفيش حاجة بقت بتفرق عن التانية … كله محصل بعضه ؟؟

لو طعم الأكل فى بقك بقى مش حلو ولا وحش … بقى نفس الطعم لكل الأكل

يحصل ايه لو لقيت أن مفيش حاجة عاوز تحققها فى حياتك و أنك عايش اليوم بيومه ؟؟

مفيش مكان بتحلم تزوره أو حاجة نفسك تملكها ؟؟

لو لقيت أنك ممكن تستغنى عن أقرب أصحابك من غير متحس بأى مشكلة

المزيد

بدأت أفهم ….. أخيرا بدأت أفهم اللى بيحصلى ……….. الموضوع بسيط و مكانش محتاج منى الدوشة اللى أنا عاملها دى كلها ……

كل ما فى الأمر أن بدأت أرجع لحالتى الطبيعية …. بدأت - من فترة - أستعيد طبيعتى الطبيعية…..((( أنسان عادى )))

انسان عادى وسط ملايين البشر العاديين

الشرنقة اللى حطتها حواليا و الحلم المستحيل اللى صدقته و مشيت وراه من غير معرف ملامحه بالضبط بدأوا يتلاشوا بالتدريج و بدأت أرجع زى الأول … زى زمااان

رجعت واحد عادى مش مناضل ولا مفكر ولا صاحب رسالة ولا مقاتل …

اكتشفت أن حالة الصمود و التحدى اللى كنت بحس بيها لما بنبات قدام مبنى أمن الدولة عشان د.أيمن و نستمد شجاعتنا من بعض و القوة و الفوران لما بكون فى مظاهرة و بهتف ضد نظام الحرامية اللى بيحكمنا و الفرحة لما الناس بتقتنع بكلامنا ……. كل ده اتبخر مع الوقت

دروع الفارس صدأت بعد ما عجّز و اعتزل و رجع فلاح عادى و يمكن راعى غنم أو موظف بيدور على اجرته آخر الشهر

مش باقى من الكلام ده كله غير شوية ذكريات و معارف كويسة … مش كلهم يعنى … و ملف محترم فى أمن الدولة ممكن يضمن لى زنزانة محترمة و صورة كويسة لما نتحبس بعد

المزيد

كل حاجة بتدوس عليا فى نفس الوقت …… نتيجة الترم الأولانى اللى لسة مفقتش من صدمتها لحد دلوقتى - عشان كنت مذاكر و حليت و مع ذلك ولا كأنى ذاكرت ولا حليت -

الشركة اللى قفلوها فجأة و لسة مش قادر أستوعب الموقف هل أنا اتضحك عليا ولا فيه حاجة أكبر من كدة خلتهم يقفلوها ؟ ….

دمى المحروق من السياسة و قرفها من يوم الأستفتاء و قبله و بعده والمؤتمر اللى كنت عاوز أروحه و أقول كلمتين ملهمش لازمة - بس كنت عاوز أحس انى موجود بأى شكل من الأشكال بس رقدت فى السرير يومها و مروحتش - السنة اللى فاتت كنت أنا اللى كاتب الكلمة اللى قالها محمد الطاهر باسم الحزب و خفت أطلع أقولها على المنصة مش عارف فيه ايه بالضبط !!!

افتكرت لما كنت باخد درس الفيزيا - مخدتش غيره ف تالتة ثانوى -عند محمد رءوف و الأستاذ محمود عيد قال له أحسن حاجة عملتها فيا أنك عرفتنى على أحمد بدوى …… عمرى ما حنسى الكلمة دى .. بقارن بين ساعتها و دلوقتى مش عارف ايه الفرق !!!! ياترى هو كمان كان مخدوع فيا ؟؟

بفتكر احساسى بالمرارة لما هتلر كان كاتب عن الفترة اللى بدأ فيها الشغل ف لجنة الشباب و أن قطب و أحمد ماهر هما اللى عملوها و مفتكرنيش بالرغم أن أنا و ماهر كنا فكرنا نلم الناس قبل ما قطب يظهر من تحت الأرض - هو بعد كدة هو و ماهر عملوا كل حاجة تقريبا - بس أنا - على الأقل - كنت موجود بس هتلر و مظنش أى حد تانى خد باله أصلا

… بيحصل لى الموضوع ده كتير .. أبقى مع ناس و ميحسوش بيا كأنى هوا ووجودى مش فارق ف حاجة

ضياع …… لخبطة ……. فراغ ……. معرفش بالضبط كل ما أفكر أكتب موضوع احس انى مبقيتش أكتب لنفسى زى ما بدأت …… بقيت أكتب عشان ناس تقرا اللى بكتبه و تقولى حلو أوى جميل اللى أنت كاتب

المزيد

"أفقد إيمانك تكتسب حريتك" ….. و لكن أيهما أهم ؟؟

الحرية أم الإيمان ؟؟؟؟؟؟

رد Rej و هل يوجد تعارض بينهما ؟؟

فلنرى :

تحذير " هذا الكلام ليس نهائى , قابل للمراجعة , وهو محاولة شخصية للفهم … اذا كنت من هواة محاكمة البشر على أفكارهم فأرجوك .. ريح نفسك و متقراش "

لابد أولا من الاتفاق على تعريف للمفردات المستخدمة فى الحديث / الحوار حتى لايكون كل منا يتحدث فى مجال خارج منطق الآخرو أفقه ……. اذا لم نتفق فيكفى أن تعلم المعنى الذى أحاول توصيله من داخل ذهنى لذهنك … بما إنى أنا كاتب الكلام يعنى (زهقت من الناس اللى بتلوى الكلام و تفهمه بالعكس لسوء نيتها )

( 1 ) - الإيمان :

…. التعريف الشامل للإيمان جاء فى كلام النبى ( الإيمان هو ما وقر فى القلب و صدقه العمل ) ………… اذا الإيمان "كما أفهمه" ليس الأعتقاد أو الظن أو الأقتناع العقلى فقط بل لابد من نقل مجال الإيمان من الكلام " الشفهى و القلبى و العقلى " الى مجال الفعل العملى الواقعى و المحسوس.

فمثلا الإيمان بحرية الرأى إن لم يصاحبه عمل واقعى للدفاع عنها فهو مجرد كلام بن عم حديت ….  و الإيمان بالله إن لم يترجم دائما الى عمل صالح فهو يظل ايمانا ناقصا … و هكذا …

نكمل التعريف لدينا ( اللى هما أنا ) فنقول :

أن الإيمان ليس المقصود به فقط الإيمان بالله أو الدين …. بل هو الإيمان عموما … و يشمل الإيمان بالأفكار و النظريات و الأفراد أيضا (مش محتاجة شرح دى )

ده عمنا كمال خليل الأشتراكى الثورى و أظنه مثال للإيمان بالنظريات السياسية

و فى رأيى :

أن الإيمان المطلق بدون تردد و تفكير و مراجعة مستمرة هو نقص فى هذا الإيمان يترجم لخوف من الشك و هروب من إعادة التفكير فى ما نؤمن به و نفور من مناقشة ما يخالفه مما يدل على عدم كمال الإيمان و ليس رسوخه ……………… (حد فاهم حاجة ؟؟؟ )

( 2 ) - الحرية :

لا أستطيع أن أجد تعريف محدد و شامل للحرية و إنما مبادئ عامة و أفكار - من المفروض - أن تكون معلومة للكافة …….

و أظن أن أبسط تعريف للحرية (( أن تفعل ما تحب )) لكن دائما ما أجد أى شخص فى بلدنا قبل أن يتحدث عن الحرية و معناها … يقوم بالكلام عن ضوابطها و موانعها و حدودها و مالا يصح فيها و ما قد تسببه من أضرار لو أطلقت للكافة و و …….

و فى النهاية تجد أنك عندما سألت عن معنى كلمة "حديقة" و أنت صغير فأنك لم تتلق إجابة عن معناها سوى : …… السور الحديدى الشائك الذى يحيط بها و الخوف من أن تغرق فى الفسقية الصغيرة فى وسطها و الجروح التى تسببها زهورها و أزعاج الطيور التى تعيش بها  و ربما أخبروك أيضا أن أشجارها تستهلك المياه ما سيتسبب فى موتنا عطشا فى يموا من الأيام !!!!!!!!

م

المزيد

قلت :

 "اكتئب أنت فى مصر مبارك " 

فرد صديق لى :

"لو لم أكن مصريا … لأرتحت نفسيا " 

و قال أنيس منصور :

{الشخصية العظيمة متناقضة , فالمحيط متلاطم الأمواج الهادرة و المستنقع هادئ راكد}

قلت : ……… قشطة

قرأت مرة :

"أفقد ايمانك تكتسب حريتك "

فقلت :

" هذا صحيح و لكن أيهما أهم الحرية أم الإيمان ؟؟؟؟ "

….. ولازلت حائراً

ـــــــــــــــــــــــــــــــــــــــــــــــــــــــــــــــــــــــ

و القادم ليس شعرا و انما استشعار ….. مجرد كلام شبه بعضه

يقال : 

"لكل داء   دواء … الا الحماقة أعيت من يداويها "

أقول :

وفى كل داء شقاء … الا الغباوة  يهنأ المبتلى بيها

وقبل كل نصر عناء  … الا أمجادنا بالكلام نبنيها

المزيد

بقالى كتير مكتبتش حاجة ؟؟

طب و فرقت ف ايه ؟؟

أنا بكتب ليه اساسا ؟؟

مشكلتى الأساسية فى السؤال ده … ليــــه ؟؟؟

مش ازاى أو امتى … مشكلتى دايما فى "ليــــــــــه؟؟؟"

ليه أكتب ؟ و ليه أقرا ؟ وليه أفكر أصلا ؟

بيقولك أن الحضارة اللى احنا متشعبطين فى ديلها دلوقت قايمة بالأساس على سؤال

"ليـــــــــــــــــه … لماذا … why … pour quoi

؟

الأساس فى أى علم هو السؤال اللى غالبا ملوش اجابة نهائية ده

السؤال الشاحن للهمم و المستفز للعقول

ليــــــــــــــــــــــــــه ؟؟

——————————

كفاية كدة بقى ……… ممكن أشكيلك شوية ؟؟

أنا عمال أتكلم طول الوقت وعاوزك انت تتكلم شوية

محتاجك أنت تساعدنى و تريحنى أو تفهمنى

فعلا أنا معنديش طاقة نفسية أكمل كتابة … مخنوق من مليون حاجة و أكتر حاجة تعبانى … الحمل اللى بقى عليا بسبب الكتابة دى … سواء هنا أو ف أى حتة

ناس بتشتمنى و بتفسر كل كلمة منى على أنها مؤامرة

وناس بتكرهنى من غير ما تعرف عنى أى حاجة

وواحد صاحبى اشتراكى بحبه جدا بيقولى جرب تكتب عن الأشتراكية و أنا أبهدلك

وناس برضه بتحبنى و تثق فى كلامى مع أنى أنا نفسى مش قادر أثق فيه لأنه متغير و مش ثابت ومش نهائى

وناس بقت مقتنعة انى عندى حلول لكل مشكلة وبتسألنى فى حاجات معرفش اجابتها و يمكن كمان مستحيل فى يوم أعرف لها اجابة أو أفكر فيها أصلا

المزيد

هذا ليس كلامى و أختلف مع بعض ما فيه و لكنى أعلم تماما أن كثيرا مما به صحيح لذلك أترك لكل شخص أي يقراه و يحكم عقله

بسم الله الرحمن الرحيم

وَاتْلُ عَلَيْهِمْ نَبَأَ الَّذِيَ آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ{175} وَلَوْ شِئْنَا لَرَفَعْنَاهُ بِهَا وَلَـكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ذَّلِكَ مَثَلُ الْقَوْمِ الَّذِينَ كَذَّبُواْ بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ{176} سَاء مَثَلاً الْقَوْمُ الَّذِينَ كَذَّبُواْ بِآيَاتِنَا وَأَنفُسَهُمْ كَانُواْ يَظْلِمُونَ{177}

———— ——— ——— ——— ——— –

احمد البغدادي / السياسة

لا يوجد بلد مسلم يستطيع فيه المسيحي أو اليهودي أن يبرز الصليب أو الطاقية ويمر عليه الأمر بسلام,(وحتى ان مر بسلام لا يخلو الأمر من مضايقات و معاملة - على أقل تقدير - مختلفة عن معاملة بقية الناس و الأمر ليس فقط لأصحاب الديانات الأخرى بل لأصحاب المذاهب الأخرى أيضا ) كما لا يحق لأصحاب ذوي الديانات البشرية كالبوذية والهندوسية ممارسة شعائرهم في العلن دون أن ينالهم الأذى من الناس,(زى ما حصل للبهائيين … و الحجة هنا أنهم ليسوا أتباع عبادات سماوية … طيب لو منع الهندوس المسلمين من شعائرهم فى الهند ده حيبقى صح ولا غلط بما أنهم بقى الأغلبية و من حقهم يمشوا الأقلية على مزاجهم زى ما بنعمل هنا )   حتى ولو وافقت الحكومة كما حدث مع المعبد الهندوسي في الكويت.

في مقابل هذا الاضطهاد الديني الذي يفتخر به أتباع التيار الديني, لا يوجد بلد علماني يمنع بناء المساجد, هذا إن لم تقم الحكومة بتمويلها.

كما لا يوجد بلد علماني يمنع المسلم من الصلاة في العلن ( و ان كانت المجتمعات الغربية مسيحية الثقافة تقاوم ذلك الى حد ما " مثلما حدث مع السيناتور المسلم فى الكونجرس الأميركى " لأنه يعتبر بالنسبة لهم غزو ثقافى اسلامى ), ولذلك أرثي كثيرا للمسيحيين الذين يرون في رمضان, وهو شهر خاص بالمسلمين, الرؤية الدينية نفسها من حيث أنه شهر عبادة, مع ملاحظة أن هذا العام الذي يشهد قيام مجتمع كويتي أكثر تشدداً من ذي قبل على المستوى الديني, يشهد بشكل مواز شهادات شخصية مسيحية بحق رمضان, وأتساءل: هل هو الخوف؟ لأنه مثل هذا الأمر لم يحدث من قبل, خصوصا وأن فتاوى المسلمين ( يجب أن أقول هنا أنها ليست فتاوى المسلمين بل هى فتاوى السلفيين و المتطرفين و التى للأسف أصبح لها الصوت الأعلى بسبب الجهل و الفقر و الغباء المنتشر فى الدول الأسلامية )لا تجيز تهنئتهم بأعيادهم ولا مشاركة المسلمين لهم!!( هى أصلا هذه الفتاوى لا تجيز شيئا فكل شئ حرام حرام حرام …)

لا توجد كنيسة في العالم المسيحي العلماني يقف القسيس فيها ليلعن كل من يخالف دينه أو يدعو عليهم بالويل والثبور كما يفعل خطباء الجمعة عندنا. (يحدث هذا فى اسرائيل وبعض الدول وفى أمريكا أيضا ولكن تقوم القيامة عندنا عندما يحدث بينما لا نرى أى مشكلة فيما يقوله الخ

المزيد

لهواة الأختصار نكتب الخلاصة الأول و بعدين أرغى براحتى عشان أنا بحب الرغى

1) عندما يصمت الجميع تبحث السلطة عمن يتكلم لتطحن عظامه و تخرسه

(ليس بالقتل فقط يسكت الأنسان )

ارفع رأسك ياخويا ( أنت فى الدولة الناصرية أو الستالينية )

2) عندما يتكلم الجميع تبحث السلطة عمن يتحرك لتضايقه و تصعب عليه حياته و تزهقه فى عيشته بطرق تبدأ من الأهانة ولا تنتهى بالحبس

(اكتئب أنت فى مصر مبارك)

3) عندما يتحرك الجميع تبحث السلطة عمن يقود تلك التحركات لتتفاوض معه لترشيه أو لتلبى جزء من مطالبه

(حسنا اقتربنا من الست ديمقراطية )

4) عندما يصبح الجميع قادة فلا تبحث السلطة عن أحد لأنها فى يد الجميع

(زى المحمول كدة)

————————–

حسنا كان هذا الموجز و اليكم الأنباء بالتفصيل :

عندما تكون فى دولة الخوف و الصمت يكون للصوت قيمة و لذلك يجب وأده سريعا … يكون الرعب و الأرهاب و الخوف من مجرد الكلام حاكما للجميع حتى المقربين من السلطة

نجد هذا النموذج حاضرا فى مصر عبدالناصر و عراق صدام و ألمانيا هتلر و روسيا ستالين و كوريا الشمالية حاليا … أقتربت حتى أمريكا من هذا فى حقبة الخمسينات " الحقبة المكارثية " كما يسمونها حيث كان الخوف من الشيوعيين مسيطرا على الأمريكيين

نجد فى هذه الحالات كل نفس محسوب على صاحبه و التنصت هو العادى و المقبول شعبيا و قد يؤدى لهلاك الشخص مجرد سوء تفاهم أو أختلاف بسيط فى وجهات النظر بدعاوى الأمن القومى الذى هو فى الحقيقة أمن العصابة الحاكمة ….

لا أظن أننى أحتاج لقول ما تنتهى اليه هذه النماذج دائما من فشل و خيبة غالبا لا يفيق منها أنصارها أبدا لما يكون لها من كاريزما و لما فيها من تبسيط عبيط يدعى حل كل المشاكل بطرق سهلة لا تحتاج لتفكير مثل وجود النازيين حتى الآن ( مجبتش سيرة الناصريين أهه )

كما يكون فيها غسيل العقول هو السائد و المسيطر على كل سبل الحياة و التعليم

————————–

عندما تكون فى دولة الفشل و الأحباط فيصبح الكلام مرطرط فى كل حتة … كل الناس

المزيد

فلنحاسب صدام من وجهة نظر الهية

نعم .. فلنتخيل أننا سنقوم بمحاسبة صدام على كل حياته يوم القيامة …..

هل سنرحمه ؟ أم هل سنقتص منه ؟ هل ندخله النار ؟( انشاءالله هو و كل الحكام العرب جماعة فى رمية واحدة )

…. لكن قبل أن تقول أننى خرفت خلاص ( طب مانا بخرف من زمان أساسا) ….

 هل يحق لنا هذا ؟؟

هل يحق لنا أن ندعى أننا آلهة ؟ أو أننا سنحاسب أحدا على أعماله بدلا من الله ؟

هل يحق لنا أن ندعى بأن صدام فى النار لأنه آذانا - كثيرا جدا - بدون أن نعلم هل يستحق الرحمة أم لا ؟ هل شنقه يكفر عن ذنوبه فى حق العراقيين و الإيرانيين و الكويتيين ؟؟

بالطبع لا - لسنا آلهة ولا نملك مفاتيح الغيب أو مفاتيح الجنة والنار

بل أصلا لا نملك أن نعلم مصيرنا نحن … ربما نكون نحن فى مكان أسوأ بكثير مما سيذهب اليه صدام  أو قد يضيع فى لحظة ايماننا و لا تنتهى حياتنا على الخير

هذا موضوع لا يخضع للمنطق البشرى لأنه مهما آمنت بالعقل و الأنسانية فنحن لا نملك علم الله بكل شئ ( الظواهر و البواطن الأعمال و النتائج و النوايا و الوسائل أيضا )

لذلك لا يملك أيا كان - مهما ظن أنه علا فى العلم - بأن يدعى أنه يعلم من فى الجنة و من فى النار بحساباته هو و مشاعره هو و علمه هو ( المحدود كما اتفقنا مهما زاد )

لقد كان أبوبكر ال

المزيد

أولا نعتذر يا جماعة عن انقطاع الإرسال الافترة اللى فاتت دى

أنا عندى امتحانات و النت مقطوع عندى فى البيت و مش فاضى أصلحه

سيبكم بقى من الكلام ده … اللى وحشتهم ( كتير أوى طبعا ممكن يوصلوا لتلاتة مرة واحدة مش عاوزين قر بقى ) يقروا الافتكاسات دى و يسامحونى على رداءة المستوى لرداءة الامكانيات اليومين دول … عشان الامتحانات و البرد و كمان فيه مقال قريتها لنبيل لوقا بباوى عملالى مغص … معلش

دى حاجات فيها كتير قديم قلت أهو تصبيرة لحد ما نرجع زى الأول

1 - بعد الحركة القرعة اللى عملها رئيس اليمن بتاعة التنحى و المظاهرات اللى بتطالبه يفضل عشان مصلحة اليمن …. تأكدت أن الرئيس جمال عبد الناصر سيظل الزعيم و الفائد و المعلم و الملهم … لجميع عصابات العسكر التى تحكم الدول العربية لفترة طويلة

و أعتقد أنه لو ع

المزيد

المشهد الأول :

تقترب الكاميرا من الشاب اليافع عماد حمدى و هو يمثل أحد أدواره الشهيرة فى فيلم لا أعرف اسمه عندما يتزوج الجميلة فاتن حمامة و تقوم أمه بمضايقتها كثيرا حتى ينهار زواجه و و …. و نقفز للنهاية حيث ينتهى الفيلم نهاية سعيدة بتصالح الجميع … هو و زوجته و أمه و يحيون فى تبات ونبات

المشهد الثانى :

أصبح الشاب عماد حمدى أكثر أناقة واحتراما و نضجا و هو يمثل دور الرجل الفاهم الخبير بأمور الدنيا و الحياة …… هو كرر هذا الدور كثيرا حتى أننى لا أتذكر مشهد بعينه و لكنى أتذكره بشاربه و سيجارته و تفكيره فى مشكلة ما ….. محامى غالبا لدرجة أنك تشعر أن محامى مثل هذا لا يمكن أن يخسر قضاياه أبدا

المشهد الثالث :

الفيلم التاريخى - من كثرة ما به من أخطاء تاريخية - الشهير " وااسلاماه " … هنا أصبح عماد حمدى القائد العسكرى المملوكى "عزالدين أيبك " و نراه ولازال مهابا الى حد ما "ولكن"  أكبر سنا و أقل قوة و جاذبية و أصبحت زوجته الملكة شجرة الدر هى الفنانة تحية كاريوكا  …. نلاحظ هنا ظهور شاب آخر - فى الحقيقة شابين … فى منتهى الرجولة و الفتونة أحدهما يميل للهدوء و الآخر يميل للشراسة … طبعا الشابين هما "قطز" و "بيبرس" / أحمد مظهر الضابط السابق بالجيش و رشدى أباظة و معهم واحد آخر يقوم بدور ثانوى و لكنه مهم الى حد ما ( برغم انى لم أعرف عن من يعبر فى الحقيقة ؟) هو وحش الشاشة - بعد ذلك -  فريد شوقى 

نبدى اعجابنا بأداء الجميع فى هذا الفيلم و ان لا نخفى امتعاضنا من لا معقولية و قلة حرفية الكثير من الأحداث و المشاهد التى كانت بعيدة عن الأحداث التاريخية بدرجة ملفتة

ما علينا …ده رأيى الشخصى و لسنا نناقش مدى مطابقة الأفلام للتاريخ الأصلى

المشهد الرابع :

فيلم من أحب الأفلام وأعزها على قلبى … "الناصر صلاح الدين"

نرى أحمد مظهر و قد أصبح السلطان صلاح الدين الأيوبى و حوله مجموعة من أفضل الممثلين المصريين مثل صلاح ذو الفقار عيسى العوام  و حمدى غيث  ريتشارد قلب الأسد و عمرالحريرى  ملك فرنسا و توفيق الدقن والى عكا .. و يافا و ليلى فوزى فرجينيا جميلة الجميلات التى - لسبب ما - كرر

المزيد

عارفين ايه هى أحلى قصة حب ؟

مش قصة قيس وليلى ولا روميو و جولييت ولا عنتر و عبلة ولا علاء و منال

عارفين أحلى قصة حب هى قصة مين ؟

 أحلى قصة حب هى قصة آدم وحواء ….. قصة الإنسان اللى شاف الجنة بعينه و عاش فيها و شرب من ميتها و شاف سماها و جوها وأكل من فاكهتها و مع ذلك مكانش مبسوط

مكانش مبسوط عشان كان وحيد مفيش حد يخاف عليه و يفكر فيه و يبقى عارف أنه برضه بيخاف عليه و بيحبه

و برضه يتخانق معاه و يزعل منه و بعدين يصالحه

مظنش كان حيبقى مبسوط لو الحد ده كان راجل تانى زيه

…. متفهمونيش غلط بس قصدى أن لو أن كان معاه واحد صاحبه … هل كانوا حيبقوا سعدا ؟ و هما بيتناقشوا فى الموقف السياسى لحزب المعارضة الشيطانى  ؟؟؟ ولا نتيجة ماتشات الجن و الملايكة و دورى وأخبار تدريبات فريق الشياطين الحمر ؟ و لا و هما بيتكلموا عن جمال الجنة وحلاوتها و الفن اللى فيها ؟؟ ولا و هما قاعدين بيلعبوا طاولة فى القصر بتاعهم ؟؟؟ … و طبعا طاولة دهب و ألماظ  مش أى حاجة

أظن ان آدم بالرغم من كل الجمال و السرور و الهدوء اللى كان فيه كان ناقصه حاجة ….. يمكن هو نفسه مكنش عارف هى ايه ؟؟؟؟؟؟

مكنش ناقصه الأكل ولا الشرب ولا الراحة ……… و متقوليش الجنس لأنه مكانش لسة عرفه ……

المزيد